(vovworld) - ວັນທີ 17/04, ຄະນະກຳມະການເຈລະຈາຂັ້ນສູງ (HNC), ຕາງໜ້າໃຫ້ພັນທະມິດລວມມີຫຼາຍກຸ່ມຝ່າຍຄ້ານຢູ່ຊີຣີ ໄດ້ນາບຂູ່ວ່າ ຈະຢຸດຕິການເຂົ້າຮ່ວມບັນດາການເຈລະຈາສັນຕິພາບຢູ່ເຊີແນວ, ປະເທດສະວິດ ຖ້າຫາກບໍ່ເຫັນຄວາມກ້າວໜ້າໃນການກໍ່ສ້າງລັດຖະບານສືບທອດ. ບັນດາຜູ້ຕາງໜ້າຂອງ HNC ໃຫ້ຮູ້ວ່າ, ບັນດາການເຈລະຈາທາງອ້ອມອາດຈະຖືກປະຊາໄຊຖ້າຫາກອຳນາດການປົກຄອງ Damascus ປະຕິເສດຍົກອອກຄຳໝັ້ນສັນຍາກ່ຽວກັບບັນຫາການເມືອງ ແລະ ມະນຸດສະທຳ. ຮອບເຈລະຈາຄັ້ງໃໝ່ກ່ຽວກັບສັນຕິພາບຊີຣີ ໄດ້ຮັບການເຊື່ອມຕໍ່ໃນອາທິດກ່ອນຢູ່ເຊີແນວ. ຄວາມບໍ່ລົງລອຍກັນໃຫຍ່ຫຼວງທີ່ສຸດທີ່ກີດຂວາງການເຈລະຈາແມ່ນອະນາຄົດດ້ານການເມືອງຂອງປະທານາທິບໍດີ Bashar Al Assad. ອຳນາດການປົກຄອງຊີຣີ ຢືນຢັນວ່າຈະບໍ່ເຈລະຈາ ແລະ ບໍ່ປະນີປະນອມກ່ຽວກັບບັນຫານີ້.