(vovworld) - “ປ່ຽນໃໝ່ສະຕິຄວາມຮັບຮູ້, ຈິນຕະນາການກ່ຽວກັບວິທະຍາສາດ ແລະ ເຕັກໂນໂລຊີໃນເງື່ອນໄຂໃໝ່ຢ່າງເຂັ້ມແຂງກວ່າອີກ”. ນີ້ແມ່ນສິ່ງທີ່ ທ່ານເລຂາທິການໃຫຍ່ພັກກອມມູນິດຫວຽດນາມ Nguyen Phu Trong ຢືນຢັນໃນຕອນເຊົ້າວັນທີ 10/9 ກັບກະຊວງວິທະຍາສາດ ແລະ ເຕັກໂນໂລຊີ ເພື່ອກວດກາການປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກ ແລະ ກະກຽມແຜນຮ່າງ “ພັດທະນາວິທະຍາສາດເຕັກໂນໂລຊີຮັບໃຊ້ພາລະກິດເຫັນປະເທດຊາດເປັນອຸດສາຫະກຳ ແລະ ທັນສະໄໝ ໃນເງື່ອນໄຂເສດຖະກິດຕະຫຼາດຕາມການກຳນົດທິດສັງຄົມນິຍົມ ແລະ ເຊື່ອມໂຍງເຂົ້າກັບສາກົນ” ຊິ່ງຄາດວ່າຈະຍືນສະເໜີຕໍ່ກອງປະຊຸມສູນກາງພັກຄັ້ງທີ 6 (ຊຸດທີ 11) ທີ່ຈະມາເຖິງ.
ກ່າວຄຳເຫັນທີ່ການເຮັດວຽກ, ທ່ານເລຂາທິການໃຫຍ່ Nguyen Phu Trong ເນັ້ນໜັກວ່າ.
“ພວກເຮົາຕ້ອງສືບຕໍ່ປ່ຽນໃໝ່ສະຕິຄວາມຮັບຮູ້, ຈິນຕະນາການກ່ຽວກັບວິທະຍາສາດ ແລະ ເຕັກໂນໂລຊີໃນເງື່ອນໄຂໃໝ່ຢ່າງເຂັ້ມແຂງກວ່າອີກ ເມື່ອພວກເຮົາພວມຍູ້ແຮງການຫັນປະເທດຊາດເປັນອຸດສາຫະກຳ ແລະ ທັນສະໄໝ ເພື່ອຮອດປີ 2020 ປະເທດພວກເຮົາກາຍເປັນປະເທດອຸດສາຫະກຳຕາມທິດທັນສະໄໝໂດຍພື້ນຖານ, ໃນວິວັດການຫັນປ່ຽນໂຄງປະກອບຮູບແບບການເຕີບໂຕຈາກລວງກວ້າງໄປສູ່ລວງເລິກ, ນຳໃຊ້ກຳລັງກຳມະກອນ, ຊັບພະຍາກອນຢ່າງຫຼວງຫຼາຍ ໄປສູ່ການນຳໃຊ້ມັນສະໝອງ, ວິທະຍາສາດ, ເຕັກໂນໂລຊີ. ຕ້ອງເຮັດໃຫ້ສິ່ງໃໝ່ນີ້ໂດດຂັ້ນຂຶ້ນ, ໃນເງື່ອນໄຂເສດຖະກິດຕະຫຼາດຕາມການກຳນົດທິດສັງຄົມນິຍົມ ແລະ ເຊື່ອມໂຍງເຂົ້າກັບສາກົນໃຫ້ນັບມື້ນັບເລິກເຊິ່ງກວ່າ. ຈິນຕະນາການລວມທັງວິທະຍາສາດເຕັກໂນໂລຊີ ແລະ ວິທະຍາສາດສັງຄົມມະນຸດຊາດ.”