ງານວາງສະແດງປື້ມ, ເອກະສານ ພັກກອມມູນນິດ -
ຈາກກອງປະຊຸມໃຫຍ່ເຖິງກອງປະຊຸມໃຫຍ່
(ພາບ: nongnghiep.vn)
(vovworld) - ຢູ່ຫໍສະໝຸດແຫ່ງຊາດ ຮ່າໂນ້ຍ ພວມດຳເນີນງານວາງສະແດງປື້ມ, ເອກະສານ “ພັກກອມມູນິດ -ຈາກກອງປະຊຸມໃຫຍ່ເຖິງກອງປະຊຸມໃຫຍ່“. ມີປຶ້ມ, ໜັງສືພິມ, ພາບເອກະສານ, ຮູບເງົາເອກະສານ… 800 ຢ່າງທີ່ນຳມາແນະນຳທີ່ງານວາງສະແດງ ໄດ້ສະທ້ອນໃຫ້ເຫັນປະຫວັດແຫ່ງການສ້າງຕັ້ງ ແລະ ພັດທະນາຂອງພັກກອມມູນິດ ຫວຽດນາມໃນ 86 ປີຜ່ານມາ, ເພື່ອນ ເຢືອງເຟືອງແອງ, ນັກສຶກສາມະຫາວິທະຍາໄລກົດໝາຍ ຮ່າໂນ້ຍ, ແບ່ງປັນວ່າ:
“ບັນດາເອກະສານທີ່ງານວາງສະແດງລຳ້ຄ່າທີ່ສຸດ, ມີຄຸນຄ່າປະຫວັດສາດສູງ ຍ້ອນໄດ້ແນະນຳໃຫ້ຜູ້ຊົມບັນດາໄລຍະທຳອິດຂອງພັກ ກໍ່ຄືບົດບາດຂອງປະທານ ໂຮ່ຈີມິນ, ດ້ວຍການສ້າງຕັ້ງພັກໃນວັນທີ 3/2/1930. ຜ່ານງານວາງສະແດງນ້ອງສາມາດເຫັນໄດ້ບົດບາດສຳຄັນຂອງພັກໃນການຊີ້ນຳ, ນຳພາທົ່ວປວງຊົນ, ທົ່ວກອງທັບປະຕິບັດພາລະກິດຕໍ່ຕ້ານ, ຕໍ່ສູ້ຍາດເອົາເອກະລາດ, ເສລີພາບມາໃຫ້ປະເທດຊາດຄືໃນທຸກວັນນີ້“.
ທີ່ງານວາງສະແດງປື້ມ, ພາບ “ພັກກອມມູນິດ ຫວຽດນາມ - ຈາກກອງປະຊຸມໃຫຍ່ເຖິງກອງປະຊຸມໃຫຍ່“, ຫໍສະໝຸດແຫ່ງຊາດຍັງແນະນຳເຖິງມະຫາຊົນແນວທາງ, ແຜນນະໂຍບາຍ, ນະໂຍບາຍຂອງພັກຜ່ານກອງປະຊຸມໃຫຍ່ 11 ຄັ້ງ. ບັນດາຂີດໝາຍທີ່ສຳຄັນ ແລະ ຜົນງານຂອງປະເທດຊາດພາຍໃຕ້ການຊີ້ນຳນຳພາຂອງພັກນັບແຕ່ປີ 1930 ເຖິງປະຈຸບັນອີກ. ຜ່ານນັ້ນຊາວ ຮ່າໂນ້ຍຈະມີໂອກາດເຂົ້າໃຈຢ່າງເລິກເຊິ່ງກວ່າກ່ຽວກັບການສ້າງຕັ້ງ ແລະ ເຕີບໃຫຍ່ຂອງພັກກອມມູນິດຫວຽດນາມ, ຈາກນັ້ນຈະມີຄວາມເອກອ້າງທະນົງໃຈຕໍ່ການພັດທະນາຂອງ ຮ່າໂນ້ຍເວົ້າສະເພາະ ແລະ ທົ່ວປະເທດເວົ້າລວມ, ພາຍໃຕ້ການຊີ້ນຳອັນສະຫຼາດສະຫຼຽວຂອງພັກກອມມູນິດຫວຽດນາມ.