ພັກກອມມູນິດອາເມລິກາຕັ້ງໜ້າສະໜັບສະໜູນຜູ້ປະສົບເຄາະຮ້າຍຈາກທາດພິດສີສົ້ມຫວຽດນາມ
ພາບປະກອບ
(vietnamplus.vn)
(vovworld) - ວັນທີ 5/4, ຄະນະຜູ້ແທນຂັ້ນສູງພັກກອມມູນິດ ອາເມລິກາ ໂດຍທ່ານ John Bachtell ປະທານພັກກອມມູນິດ ອາເມລິການຳໜ້າ ໄດ້ມາຢ້ຽມຢາມ ແລະ ເຮັດວຽກກັບສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ ຫວຽດນາມ. ນະທີ່ນີ້, ພົນໂທ ຫງວຽນວັນຣິງ, ປະທານສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ ຫວຽດນາມ ຫວັງວ່າ. ພັກກອມມູນິດ ອາເມລິກາສືບຕໍ່ມີການກະທົບໃນຫາງສຽງ ອາເມລິກາ, ຕັ້ງໜ້າຂົນຂວາຍປະຊາຊົນ ອາເມລິກາທຸກຊັ້ນວັນນະເຂົ້າຮ່ວມການເບິ່ງແຍງ, ຊ່ວຍເຫຼືອ ແລະ ສະໜັບສະໜູນການຕໍ່ສູ້ທວງເອົາຄວາມຍຸຕິທຳຂອງຜູ້ປະສົບເຄາະຮ້າຍຈາກທາດພິດສີສົ້ມ ຫວຽດນາມ. ທ່ານ John Bachtell ປະທານພັກກອມມູນິດ ອາເມລິກາ ຢືນຢັນວ່າ, ພັກກອມມູນິດ ອາເມລິກາ ຈະສືບຕໍ່ສະໜັບສະໜູນ ຜູ້ປະສົບເຄາະຮ້າຍຈາກທາດພິດສີສົ້ມ ຫວຽດນາມ ຜ່ານຜ່າຄວາມຫຍຸ້ງຍາກ; ພ້ອມທັງຂົນຂວາຍຊາວ ອາເມລິກາສະໜັບສະໜູນການຕໍ່ສູ້ທວງເອົາຄວາມຍຸຕິທຳຂອງຜູ້ປະສົບເຄາະຮ້າຍຈາກທາດພິດສີສົ້ມ ຫວຽດນາມ. ທີ່ການເຮັດວຽກ, ສອງຝ່າຍສະແດງຄວາມເຊື່ອໝັ້ນວ່າ, ການຢ້ຽມຢາມ ແລະ ເຮັດວຽກຢູ່ ຫວຽດນາມໃນຄັ້ງນີ້ຂອງຄະນະຜູ້ແທນຂັ້ນສູງ ພັກກອມມູນິດ ອາເມລິກາ ຈະນຳການພົວພັນລະຫວ່າງສອງພັກຂຶ້ນສູ່ລະດັບສູງໃໝ່, ປັບປຸງ, ເພີ່ມທະວີການພົວພັນຫວຽດນາມ - ອາເມລິກາ, ປະກອບສ່ວນຢ່າງຕັ້ງໜ້າເຂົ້າໃນການຕໍ່ສູ້ເພື່ອສັນຕິພາບ, ການພັດທະນາ ແລະ ຄວາມກ້າວໜ້າສັງຄົມ.