ກອງປະຊຸມວຽກງານເສນາທິການກ່ຽວກັບດ້ານເສດຖະກິດ - ສັງຄົມ
(ພາບ: vtc.vn)
|
(vovworld) – ທີ່ກອງປະຊຸມວຽກງານເສນາທິການກ່ຽວກັບດ້ານເສດຖະກິດ - ສັງຄົມ, ດຳເນີນໄປໃນຕອນເຊົ້າວັນທີ 15/1, ຢູ່ຮ່າໂນ້ຍ, ທ່ານ ເລຮົ່ງເອງ, ກຳມະການກົມການເມືອງ, ຜູ້ປະຈຳການຄະນະເລຂາ ຮຽກຮ້ອງໃຫ້ການນຳຄະນະພັກແຂວງ, ນະຄອນ ຄວນເອົາໃຈໃສ່ເຖິງການຍົກສູງກຳລັງຄວາມສາມາດ, ປະສິດທິຜົນວຽກງານເສນາທິການກ່ຽວກັບເສດຖະກິດ - ສັງຄົມ, ເລືອກເຟັ້ນ, ຊັບຊ້ອນພະນັກງານທີ່ມີຄວາມສາມາດເໝາະສົມ, ສົມທົບລະບອບຮ່ວມງານ, ນັກຊ່ຽວຊານໃນວຽກງານເປັນເສນາທິການກ່ຽວກັບເສດຖະກິດ - ສັງຄົມຢູ່ທ້ອງຖິ່ນ. ຕາມທ່ານ ເລຮົ່ງເອງແລ້ວ, ເສດຖະກິດ ຫວຽດນາມ ພາຍຫຼັງ 30 ປີແຫ່ງການປ່ຽນໃໝ່ໄດ້ເຕີບໃຫຍ່ເຂັ້ມແຂງເທື່ອລະກ້າວ. ເຖິງຢ່າງໃດກໍ່ຕາມ, ປະຈຸບັນ ຫວຽດນາມ ທັງຕ້ອງເຊື່ອມໂຍງເຂົ້າກັບເສດຖະກິດໂລກຢ່າງເລິກເຊິ່ງກ້ວາງຂວາງ, ແກ່ງແຍ້ງຂ້ຽວຂາດກ່ວາ, ທັງຕ້ອງດຳເນີນການສ້າງໂຄງປະກອບພື້ນຖານເສດຖະກິດ, ປ່ຽນໃໝ່ຮູບແບບການເຕີບໂຕ, ດັ່ງນັ້ນວຽກງານເປັນເສນາທິການກ່ຽວກັບເສດຖະກິດ - ສັງຄົມຂອງພັກນັບມື້ນັບກາຍເປັນສຳຄັນ. ໄລຍະຈະມາເຖິງ, ຄວນປະຕິບັດວຽກງານຝຶກອົບຮົມ, ແລກປ່ຽນວິຊາສະເພາະ, ກວດກາ, ຕິດຕາມກວດກາໃຫ້ຖັນແຖວປະຕິບັດວຽກງານເປັນເສນາທິການໃຫ້ແກ່ ຄະນະພັກແຂວງ, ນະຄອນ ແລະ ຄະນະເສດຖະກິດສູນກາງເພື່ອຍົກສູງກຳລັງຄວາມສາມາດຄົ້ນຄ້ວາ, ເປັນເສນາທິການສັງລວມ ແລະ ເປັນເສນາທິການລົງເລິກ, ຕອບສະໜອງຄວາມຮຽກຮ້ອງຕ້ອງການໃນສະພາບການໃໝ່.