(vovworld) - ວັນທີ 29 ສິງຫາ, ໃນຈົດໝາຍຕອບຄືນເຖິງການນຳພັກກູ້ຊາດກຳປູເຈຍ (CNRP) ພັກຝ່າຍຄ້ານ Sam Rainsy, ທ່ານປະທານພັກປະຊາຊົນກຳປູເຈຍ (CPP) Chea Sim ຢືນຢັນວ່າ ບົນຈິດໃຈໄກ່ເກ່ຍປອງດອງຊາດ ແລະ ໝາກຜົນຂອງການເລືອກຕັ້ງ, ຍາມໃດ CPP ພ້ອມແລ້ວທີ່ຈະເຈລະຈາເພື່ອແກ້ໄຂບັນດາບັນຫາທີ່ຍັງຄົງຄ້າງກ່ຽວຂ້ອງເຖິງການເລືອກຕັ້ງສະພາແຫ່ງຊາດຊຸດທີ 5, ເຊິ່ງດຳເນີນໄປເມື່ອວັນທີ 28 ກໍລະກົດ ຜ່ານມາ.
ແລະກໍ່ໃນວັນດຽວກັນ, ສະພາລັດຖະທຳມະນູນກຳປູເຈຍ (CCC) ໄດ້ຕົກລົງປະຕິເສດຄຳຮ້ອງທຸກຂອງພັກຝ່າຍຄ້ານທີ່ຮຽກຮ້ອງເປີດເອກະສານຕົ້ນສະບັບ ເພື່ອກວດກາຄືນໝາກຜົນການເລືອກຕັ້ງຢູ່ 9 ຕາແສງຂຶ້ນກັບແຂວງ Kampong. ຕາມແຜນການ, NEC ຈະປະກາດຜົນຂອງການເລືອກຕັ້ງສະພາແຫ່ງຊາດກຳປູເຈຍ ຊຸດທີ 5 ໃນວັນທີ 08 ກັນຍາ ຢ່າງເປັນທາງການ, ພາຍຫຼັງທີ່ CCC ແກ້ໄຂຄຳຮ້ອງທຸກທັງໝົດສຳເລັດ.