ພັກປະຊາທິປັດຝ່າຍຄ້ານ ໄທຍື່ນໃບຄຳຮ້ອງຂຶ້ນ ສານລັດຖະທຳມະນູນ ຮຽກຮ້ອງລົບລ້າງໝາກຜົນການເລືອກຕັ້ງ
ສະຖານທີ່ເລືອກຕັ້ງແຫ່ງ 1 ຢູ່ບາງກອກ
(ພາບ: AFP))
(vovworld)- ທະນາຍຄວາມ ວິຣາຕະນາ ຜູ້ຕາງໜ້າຂອງພັກປະຊາທິປັດ (DP) ໃຫ້ຮູ້ວ່າ: ໃນໃບຄຳຮ້ອງ, DP ຮຽກຮ້ອງຍຸບເລີກພັກກຳອຳນາດຂອງທ່ານນາງຍິ່ງຮັກ ຊີນນາວັດ, ນາຍົກລັດຖະມົນຕີຊົ່ວຄາວ ແລະ ຖືວ່າ: ການເລືອກຕັ້ງໄດ້ລະເມີດລັດຖະທຳມະນູນ. ນອກຈາກນັ້ນແລ້ວ, DP ຍັງຮຽກຮ້ອງຍຸບເລີກພັກເພື່ອໄທ ແລະ ອອກຄຳສັ່ງຫ້າມບັນດາສະມາຊິກຂອງພັກນີ້ເຂົ້າຮ່ວມການເມືອງ.
ໃນຂະນະນັ້ນ, ອາເມລິກາ ຫາກໍ່ປະກາດບໍ່ຢາກເຫັນປະຈັກຕາການກໍ່ລັດຖະປະຫານ ຫຼືການໃຊ້ຄວາມຮຸນແຮງຢູ່ໄທ ແລະ ສະແດງຄວາມວິຕົກກັງວົນວ່າ: ຄວາມເຄັ່ງຕຶງດ້ານການເມືອງພວມເປັນສິ່ງທ້າທາຍພື້ນຖານປະຊາທິປະໄຕຂອງປະເທດອາຊີຕາເວັນອອກສ່ຽງໃຕ້ນີ້. ທ່ານາງ Jen Psaki ໂຄສົກກະຊວງການຕ່າງປະເທດອາເມລິກາ ຊີ້ແຈງວ່າ: ທຸກພາກສ່ວນໃນສັງຄົມໄທ ຕ້ອງເຮັດແຈ້ງຄວາມສຳຄັນຂອງການນຳໃຊ້ບັນດາເຄື່ອງມືປະຊາທິປະໄຕ ແລະ ລັດຖະທຳມະນູນເພື່ອແກ້ໄຂບັນດາຄວາມບໍ່ລົງລອຍກັນດ້ານການເມືອງ./.