ທ່ານ ເຈືອງເຕິ້ນຊາງ ທີ່ການພົບປະກັບບັນດານັກສິລະປະການ, ຕາງໜ້າໃຫ້ 40 ໝູ່ບ້ານອາຊີບຫວຽດນາມ
(ພາບ: TTXVN)
(vovworld) ພັກ ແລະ ລັດ ຍາມໃດກໍ່ເອົາໃຈໃສ່, ສ້າງເງື່ອນໄຂຊຸກຍູ້ການພັດທະນາບັນດາໝູ່ບ້ານອາຊີບ. ນີ້ແມ່ນຄຳຢັ້ງຢືນຂອງທ່ານປະທານປະເທດຫວຽດນາມ ເຈືອງເຕິ້ນຊາງ ທີ່ການພົບປະກັບບັນດານັກສິລະປະການ, ຕາງໜ້າໃຫ້ 40 ໝູ່ບ້ານອາຊີບຫວຽດນາມ, ໃນຕອນບ່າຍວັນທີ 24/11, ເນື່ອງໃນໂອກາດສະເຫຼີມສະຫຼອງ 10 ປີ ແຫ່ງວັນສ້າງຕັ້ງສະຫະສະມາຄົມໝູ່ບ້ານອາຊີບຫວຽດນາມ ແລະ ພິທີມອບນາມມະຍົດໝູ່ບ້ານອາຊີບຫວຽດນາມຄັ້ງທີ 6. ທ່ານປະທານປະເທດຫວຽດນາມ ເຈືອງເຕິ້ນຊາງ ຢືນຢັນວ່າ: ບັນດາຜະລິດຕະພັນຂອງໝູ່ບ້ານອາຊີບບໍ່ພຽງແຕ່ມີຄວາມໝາຍດ້ານເສດຖະກິດເທົ່ານັ້ນ, ຫາກຍັງມີຄວາມໝາຍດ້ານສັງຄົມຢ່າງເລິກເຊິ່ງ, ເຕັມໄປດ້ວຍວັດທະນະທຳ ແລະ ຈິດວິນຍານຂອງຊາວຫວຽດນາມອີກດ້ວຍ. ການພັດທະນາບັນດາໝູ່ບ້ານອາຊີບຢ່າງແຮງມີຄວາມໝາຍສຳຄັນສຳລັບການໂຄສະນາເຜີຍແຜ່ລັກສະນະວັດທະນະທຳມະນຸດ, ວັດທະນະທຳຂອງຊາວຫວຽດນາມເຖິງເພື່ອນມິດໂລກ. ທ່ານປະທານປະເທດຫວຽດນາມ ເຈືອງເຕິ້ນຊາງ ສະເໜີໃຫ້ສະຫະສະມາຄົມໝູ່ບ້ານອາຊີບ ພ້ອມກັບບັນດານັກສິລະປະການສືບຕໍ່ສາມັກຄີ, ເຫັນດີເປັນເອກະພາບ ຂະຫຍາຍຮູບແບບຜະລິດ, ແລກປ່ຽນບົດຮຽນເປັນປະຈຳ ເພື່ອສ້າງຜະລິດຕະພັນທັງມີລັກສະນະພື້ນເມືອງ ແລະ ທັງມີລັກສະນະແກ່ງແຍ້ງໃນສະພາບການທີ່ຫວຽດນາມ ນັບມື້ນັບເຊື່ອມໂຍງຢ່າງເລິກເຊິ່ງ, ກ້ວາງຂວາງເຂົ້າກັບໂລກ.