(vovworld) – ກອງປະຊຸມສຳມະນາ “ບັນດາແນວຄວາມຄິດກໍ່ສ້າງນະຄອນ ດ່າໜັງ” ຄັ້ງທີ 2 ດ້ວຍຫົວຂໍ້ “ພັດທະນາ ດ່າໜັງ ໃຫ້ກາຍເປັນນະຄອນບັນລຸມີລະດັບພາກພື້ນ ອາຊຽນ ແລະ ອາຊີ - ຈາກແນວຄວາມຄິດ ເຖິງມາດຕະການ” ໂດຍຄະນະກຳມະການປະຊາຊົນນະຄອນ ດ່າໜັງ ຈັດຕັ້ງ ເມື່ອຕອນບ່າຍວັນທີ 11/7, ທີ່ການໂອ້ລົມສົນທະນາ, ບັນດານັກຄົ້ນຄ້ວາ, ນັກວິທະຍາສາດ, ນັກລົງທຶນ ລາຍງານບົດຄວາມເຫັນ, ສະເໜີບັນດາແນວຄວາມຄິດ ແລະ ມາດຕະການມີຫົວຄິດປະດິດສ້າງ ມີລັກສະນະຕົວຈິງ ດ້ວຍຄວາມປາດຖະໜາຢາກປະກອບສ່ວນເຂົ້າໃນການພັດທະນາຂອງນະຄອນ ດ່າໜັງ ໃນຂົງເຂດຕ່າງໆຄື: ຄົມມະນາຄົມ, ຕົວເມືອງ, ກໍ່ສ້າງ, ສິ່ງແວດລ້ອມ, ບໍລິການທ່ອງທ່ຽວ... ມີແນວຄວາມຄິດຈຳນວນໜຶ່ງຄື: ກໍ່ສ້າງນະຄອນແຫ່ງແສງສະຫວ່າງ, ຊາຍຄາຂຽວ... ໄດ້ຮັບການຕີລາຄາສູງ, ສົມກັບແຜນພັດທະນານະຄອນ ດ່າໜັງ ໃນອະນາຄົດ. ທ່ານ ຫງວຽນງອກຕ໋ວນ, ຮອງປະທານຄະນະກຳມະການປະຊາຊົນ ນະຄອນ ດ່າໜັງ ໃຫ້ຮູ້ວ່າ:
“ບັນດາຄຳເຫັນປະກອບເປັນໜ້າຈົດຈຳຫຼາຍ, ພິເສດແມ່ນການກໍ່ສ້າງ....ຕົວເມືອງຂຽວ, ຊາຍຄາຂຽວ ກໍ່ຄືບັນດາມາດຖານກ່ຽວກັບສະຖາປັດຕະຍາກຳຂຽວ. ພວກຂ້າພະເຈົ້າ ກໍ່ພວມປະຕິບັດຕາມມາດຖານກ່ຽວກັບສະຖາປັດຕະຍາກຳຂຽວ. ບັນຫາທີ່ວາງອອກນັ້ນແມ່ນ ກາລະໂອກາດນຳບັນດາແນວຄວາມຄິດເຂົ້າໃນສະພາບຕົວຈິງໃນໄລຍະຈະມາເຖິງ”