ພັດທະນາການທ່ອງທ່ຽວແບບຍືນຍົງມີຄວາມຮັບຜິດຊອບຢູ່ຫວຽດນາມ
ກອງປະຊຸມໃນວັນທີ 13/11
(ພາບ: baomoi.com)
(vovworld) – ກອງປະຊຸມກ່ຽວກັບການພັດທະນາການທ່ອງທ່ຽວແບບຍືນຍົງ, ໂດຍມີຄວາມຮັບຜິດຊອບຢູ່ ຫວຽດນາມ ຖືກຈັດຂຶ້ນໃນຕອນເຊົ້າວັນທີ 13/11, ຢູ່ນະຄອນ ໂຮ່ຈີມິນ, ໂດຍກົມໃຫຍ່ທ່ອງທ່ຽວ, ແລະ “ໂຄງການພັດທະນາກຳລັງຄວາມສາມາດທ່ອງທ່ຽວມີຄວາມຮັບຜິດຊອບກັບສິ່ງແວດລ້ອມ ແລະ ສັງຄົມ” ໂດຍສະຫະພາບ ເອີລົບ ໜູນຊ່ວຍຈັດຕັ້ງ. ທີ່ກອງປະຊຸມ, ບັນດາຜູ້ແທນສຸມໃສ່ເຮັດໃຫ້ຈະແຈ້ງບາງບັນຫາໃນການທ່ອງທ່ຽວ ຫວຽດນາມ, ຄື: ປັບປຸງວຽກງານໂຄສະນາຂອງ ຫວຽດນາມ ໃນບັນດາຕະຫຼາດໂລກ, ຄຸ້ມຄອງບັນດາຈຸດນັດພົບການທ່ອງທ່ຽວຢູ່ ຫວຽດນາມ ຢ່າງມີຄວາມຮັບຜິດຊອບ… ຜ່ານການໄຈ້ແຍກ, ຕີລາຄາ, ບັນດາຜູ້ແທນໃຫ້ຂໍ້ສັງເກດວ່າ: “ໂຄງການພັດທະນາກຳລັງຄວາມສາມາດທ່ອງທ່ຽວມີຄວາມຮັບຜິດຊອບກັບສິ່ງແວດລ້ອມ ແລະ ສັງຄົມ” ໄດ້ຮັບຖືວ່າແມ່ນປັດໄຈສຳຄັນເພື່ອປະຕິບັດການທ່ອງທ່ຽວໂດຍມີຄວາມຮັບຜິດຊອບຢ່າງໝັ້ນຄົງຢູ່ ຫວຽດນາມ. ທ່ານ ຫວູກວກຈີ໋, ຜູ້ອຳນວຍການໂຄງການ, ໃຫ້ຮູ້ວ່າ:
“ໂຄງການໄດ້ເຄື່ອນໄຫວມາເປັນເວລາ 4 ປີແລ້ວ ແລະ ຍັງອີກ 4 ປີແມ່ນສິ້ນສຸດ. ໂຄງການໄດ້ສ້າງໝາກຜົນກັບບັນດາຄູ່ຮ່ວມມືໃນຂະແໜງ ແຕ່ພວກເຮົາຕ້ອງປຶກສາຫາລືໃນທັນທີເພື່ອຮັກສາບັນດາໝາກຜົນນັ້ນພາຍຫຼັງໂຄງການສິ້ນສຸດລົງ. ນີ້ແມ່ນກາລະໂອກາດເພື່ອໃຫ້ພວກຂ້າພະເຈົ້າແລກປ່ຽນກັບບັນດາຄູ່ຮ່ວມມືໃນຂະແໜງ, ແລກປ່ຽນປຶກສາຫາລື, ຊອກຫາມາດຕະການ, ຮັກສາໝາກຜົນໃຫ້ໝັ້ນຄົງ.”