ພັດທະນາຂະແໜງການເດີນທະເລຫວຽດນາມແບບຍືນຍົງ
(ພາບປະກອບ)
(vovworld)- ພັດທະນາ ຂະແໜງການເດີນທະເລ ຫວຽດນາມແບບຍືນຍົງ ນີ້ແມ່ນຫົວຂໍ້ ການປະຊຸມສຳມະນາ ໂດຍສະຖານທູດລາຊະອານາຈັກໂຮນລັງ ປະຈຳ ຫວຽດນາມ ພ້ອມດ້ວຍສະມາຄົມວິສາຫະກິດໂຮນລັງ ປະຈຳ ຫວຽດນາມ, ສະມາຄົມມິດຕະພາບ ແລະ ການຮ່ວມມື ຫວຽດນາມ-ໂຮນລັງ ນະຄອນຮ໋າຍຟ່ອງ ຮ່ວມກັນຈັດຕັ້ງ, ຢູ່ນະຄອນຮ໋າຍຟ່ອງ, ໃນຕອນບ່າຍ ວັນທີ 23/8. ເຫດການນີ ້ແນໃສ່ໃນຂອບເຂດບັ້ນເຄື່ອນໄຫວທີ່ມີຊື່ວ່າ ມື້ອື່ນຂຽວ “Tomorrow is Green” ໂດຍສະຖານທູດ ແລະ ກົງສູນໃຫຍ່ລາຊະອານາຈັກໂຮນລັງ ປະຈຳ ຫວຽດນາມ ລິເລີ່ມ. ໂຄງການໄດ້ຮຽກຮ້ອງ ຫວຽດນາມ-ໂຮນລັງ ຮ່ວມແຮງຮ່ວມໃຈກັນສ້າງອະນາຄົດໃຫ້ຍືນຍົງ ແລະ ວັດທະນາຖາວອນ. ເນື້ອໃນຂອງກອງປະຊຸມສຳມະນາ ສຸມໃສ່ແບ່ງປັນບັນດາມາດຕະການແທດຈິງ ໃນການເຄື່ອນໄຫວປະຈຳວັນ ຂອງວິສາຫະກິດໂຮນລັງ ແລະ ຫວຽດນາມ ປະຈຳ ຮ໋າຍຟ່ອງ. ຜ່ານກອງປະຊຸມ, ຜູ້ຕາງໜ້າບັນດາວິສາຫະກິດ, ບັນດາສະຫະສະມາຄົມ, ອຳນາດການປົກຄອງນະຄອນ ແລະ ບັນດາອົງການຈັດຕັ້ງທີ່ກ່ຽວຂ້ອງ ໄດ້ແລກປ່ຽນບັນດາຂໍ້ຫຍຸ້ງຍາກ ສິ່ງທ້າທາຍ ໃນວິວັດແຫ່ງການພັດທະນາຂະແໜງເດີນທະເລ.