(vovworld) - ວັນທີ 10/11, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຈິ້ງດິ່ງຢຸງ ໄດ້ເປັນປະທານກອງປະຊຸມກ່ຽວກັບສະພາບພັດທະນາຂະແໜງອຸດສາຫະກຳລົດໂອໂຕຫວຽດນາມ. ສະຫຼຸບກອງປະຊຸມ, ທ່ານຮອງນາຍົກລັດຖະມົນຕີ ຈິ້ງດິ່ງຢຸງ ເນັ້ນໜັກເຖິງຄາດໝາຍເພື່ອພັດທະນາຂະແໜງອຸດສາຫະກຳລົດໂອໂຕ ໃຫ້ກາຍເປັນຂະແໜງເສດຖະກິດປາຍແຫຼມຕົ້ນຕໍ່ຂອງຫວຽດນາມ, ສ້າງກຳລັງໜູນໃນການພັດທະນາ, ປະກອບສ່ວນເຂົ້າໃນການເຕີບໂຕດ້ານເສດຖະກິດ, ຕອບສະໜອງຄວາມຕ້ອງການຂອງປະຊາຊົນ, ວິສາຫະກິດ, ມຸ່ງໄປເຖິງການສົ່ງອອກ. ຢາກບັນລຸໄດ້ຄາດໝາຍດັ່ງກ່າວ, ທ່ານຮອງນາຍົກລັດຖະມົນຕີຢືນຢັນວ່າ, ຕ້ອງມີຄວາມຕັດສິນໃຈສູງ, ມີການກະທຳຢ່າງຂ້ຽວຂາດ, ເຫັນດີເຫັນພ້ອມລະຫວ່າງລັດຖະບານ ແລະ ວິສາຫະກິດ. ຖືຄາດໝາຍພັດທະນາເພື່ອເປັນການກະທຳ, ແກ້ໄຂຄວາມຫຍຸ້ງຍາກໃຫ້ວິສາຫະກິດ, ນັບທັງບັນດາວິສາຫະກິດຜະລິດ, ປະກອບລົດໂອໂຕ ຫຼື ບັນດາວິສາຫະກິດສຳຮອງ. ທ່ານຮອງນາຍົກລັດຖະມົນຕີ ຈິ້ງດິ່ງຢຸງ ກໍສະໜີບັນດາວິສາຫະກິດຜະລິດ, ປະກອບລົດໂອໂຕ ຄວນຕັ້ງໜ້າເຂົ້າຮ່ວມ, ເປັນເຈົ້າການກວ່າ… ບັນດາວິສາຫະກິດຄວນສ້າງໂຄງປະກອບຄືນໃໝ່, ຄັດເລືອກຜະລິດຕະພັນຕົ້ນຕໍ, ຫຼຸດຜ່ອນລາຍຈ່າຍໃນການຜະລິດ, ຍົກສູງຄຸນນະພາບ, ຫຼຸດຜ່ອນລາຄາສິນຄ້າ.