(vovworld) – ໂດຍສະເຫຼີມສະຫຼອງວັນຕົວເມືອງ ຫວຽດນາມ (8/11), ຕອນເຊົ້າວັນທີ 7/11, ຢູ່ ຮ່າໂນ້ຍ, ສະມາຄົມວາງແຜນຜັງພັດທະນາຕົວເມືອງ ຫວຽດນາມ ໄດ້ຈັດຕັ້ງກອງປະຊຸມສຳມະນາວິທະຍາສາດສາກົນທີ່ມີຫົວຂໍ້ວ່າ “ວາງແຜນຜັງ ແລະ ພັດທະນາຕົວເມືອງຂຽວ, ທັນສະໄໝຢູ່ຫວຽດນາມ”. ກອງປະຊຸມສຳມະນາດ້ວຍບົດທາບທາມຄວາມເຫັນກ່ວາ 20 ບົດຂອງບັນດານັກຊ່ຽວຊານ ສ ເກົາຫຼີ ແລະ ນັກຮຽນຮູ້ ຫວຽດນາມ, ສຸມໃສ່ເຂົ້າໃນ 2 ເນື້ອໃນຕົ້ນຕໍ່ຄື: ວາງແຜນຜັງຕົວເມືອງຂຽວ, ທັນສະໄໝ - ທ່າອ່ຽງ ແລະ ບົດຮຽນຈາກ ສ ເກົາຫຼີ ແລະ ທັດສະນະ, ສະເໜີຈາກບັນດາທ້ອງຖີ່ນຂອງ ຫວຽດນາມ.
ພ້ອມກັບຕົວເມືອງຂຽວ, ຕົວເມືອງທັນສະໄໝພວມແມ່ນທ່າອ່ຽງພັດທະນາຂອງໂລກ, ຊ່ວຍຊີວິດການເປັນຢູ່ຂອງມະນຸດປອດໄພ, ສະດວກສະບາຍກ່ວາ. ເພື່ອພັດທະນາຕົວເມືອງຂຽວ, ທັນສະໄໝຢູ່ ຫວຽດນາມ ຄວນກຳນົດຮູບແບບຕົວເມືອງເຕີບໂຕຂຽວຜ່ານການສຳຫຼວດຕີລາຄາຮອບດ້ານບັນດາບັນຫາ, ສິ່ງທ້າທາຍ ແລະ ຄົ້ນຄ້ວາຮູບແບບຕົວເມືອງເຕີບໂຕເໝາະສົມກັບເງື່ອນໄຂຢູ່ ຫວຽດນາມ, ພ້ອມທັງສົມທົບກັບບັນດາຮູບແບບວາງແຜນຜັງ ແລະ ຄຸ້ມຄອງຕົວເມືອງນຳໃຊ້ພະລັງງານຢ່າງມີປະສິດທິຜົນ, ປະລິມານກາກບອນ ຕຳ່ດ້ວຍການເພີ່ມທະວີຄວາມສາມາດຮັບມືກັບໄພພິບັດທຳມະດາ, ການປ່ຽນແປງຂອງດິນຟ້າອາກາດ.
ວັນທີ 8/11, ກະຊວງກໍ່ສ້າງ, ສະມາຄົມວາງແຜນຜັງຕົວເມືອງ ຫວຽດນາມ ຈະຈັດຕັ້ງການສະເຫຼີມສະຫຼອງວັນຕົວເມືອງ ຫວຽດນາມ, ເນື່ອງໃນໂອກາດນີ້, ສະມາຄົມວາງແຜນຜັງຕົວເມືອງ ຫວຽດນາມ ເປັນກຽດໄດ້ຮັບຫຼຽນໄຊແຮງງານຊັ້ນ 2 ຈາກປະທານປະເທດ.