(ກອງປະຊຸມທົ່ວປະເທດຕີລາຄາ ແລະ ຜັນຂະຫຍາຍ
ການປະຕິບັດນະໂຍບາຍເຂດຊົນເຜົ່າ ແລະ ເຂດພູດອຍ)
(vovworld) – ຕອນເຊົ້າວັນທີ 11/04, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ເຂົ້າຮ່ວມກອງປະຊຸມທົ່ວປະເທດຕີລາຄາ ແລະ ຜັນຂະຫຍາຍການປະຕິບັດນະໂຍບາຍເຂດຊົນເຜົ່າ ແລະ ເຂດພູດອຍ. ບົດລາຍງານທີ່ກອງປະຊຸມໃຫ້ຮູ້ວ່າ ນັບແຕ່ປີ 2006 ມາຮອດປະຈຸບັນ, ລັດຖະບານ, ນາຍົກລັດຖະມົນຕີ ໄດ້ປະກາດໃຊ້ມະຕິ, ຂໍ້ຕົກລົງ ແລະ ເອກະສານຊີ້ນຳ 80 ສະບັບ ດ້ວຍບັນດາກົນໄກນະໂຍບາຍ, ແຜນຮ່າງທີ່ສຸມໃສ່ແກ້ໄຂບັນດາບັນຫາຫຍຸ້ງຍາກ, ເຄັ່ງຮ້ອນຂອງເຂດຊົນເຜົ່າ ແລະ ເຂດພູດອຍ, ພ້ອມທັງຈັດວາງ 55.000 ຕື້ດົງ ເພື່ອຜັນຂະຫຍາຍການປະຕິບັດບັນດາໂຄງການ, ລາຍການນີ້. ບັນດາກົນໄກນະໂຍບາຍ ແລະ ແຫຼ່ງກຳລັງໃຫ້ບຸລິມະສິດຂອງລັດຖະບານ ໄດ້ເຮັດໃຫ້ໂສມໜ້າເສດຖະກິດ, ສັງຄົມຢູ່ເຂດດູດອຍ ແລະ ເຂດຊົນເຜົ່າສ່ວນໜ້ອຍປ່ຽນໃໝ່. ຈະແຈ້ງທີ່ສຸດນັ້ນແມ່ນ ສະເລ່ຍແຕ່ລະປີໃນທົ່ວປະເທດຈຳນວນຄວບຄົວທຸກຍາກຢູ່ບັນດາບ້ານ, ຕາແສງທີ່ປະສົບກັບຄວາມຫຍຸ້ງຍາກເປັນພິເສດໄດ້ຫລຸດລົງ 3,6% .
ກ່າວຄຳເຫັນຢູ່ທີ່ນີ້, ທ່ານນາຍົກລັດຖະມົນຕີ ຫງວຽນເຕີນຢຸງ ເນັ້ນໜັກວ່າ: ຍາມໃດພັກ, ລັດ ກໍເອົາໃຈໃສ່ ແລະ ສະຫງວນແຫຼ່ງກຳລັງເປັນສ່ວນຫຼາຍເພື່ອຊຸກຍູ້ເຂດຊົນເຜົ່າ ແລະ ເຂດພູດອຍ ໃຫ້ພັດທະນາ. ເຖິງວ່າບັນລຸໄດ້ບັນດາໝາກຜົນທີ່ຮອບດ້ານໃນຫຼາຍຂົງເຂດກໍຕາມ ແຕ່ຍັງມີຂໍ້ຄົງຄ້າງຈຳກັດ, ອ່ອນດ້ອຍຕ້ອງສຸມໃສ່ແກ້ໄຂ. ທ່ານນາຍົກລັດຖະມົນຕີ ຫງວຽນເຕີນຢຸງ ຖືວ່າ.
“ທີ 1 ແມ່ນ, ຄວາມຮັບຮູ້ຈາກຄະນະພັກແຂວງ ຕະຫຼອດຮອດອຳນາດການປົກຄອງທ້ອງຖິ່ນກ່ຽວກັບນະໂຍບາຍເຂດຊົນເຜົ່າ ແລະ ເຂດພູດອຍ ຍັງບໍ່ທັນເທົໄ່ານທີ່ຄວນດັ່ງນັ້ນ ການຊີ້ນຳກໍບໍ່ໍທັນຕ້ອງ. ທີ 2 ແມ່ນ, ນະໂຍບາຍປະກາດໃຊ້ຫຼາຍ, ແຕ່ມີບາງນະໂຍບາຍບໍ່ທັນຕິດແທດກັບສະພາບຕົວຈິ່ງ ແລະ ພວກເຮົາແກ້ໄຂ, ປ່ຽນແປງຢ່າງຊັກຊາ. ຂ້າພະເຈົ້າຖືວ່າ, ບັນຫານີ້ບັນດາກະຊວງ, ຂະແໜງການຕ້ອງປັບປຸງ. ທີ່ 3 ແມ່ນ, ການຈັດຕັ້ງການປະຕິບັດບໍ່ບັນລຸປະສິດທິຜົນ”.