(ພາບປະກອບ:baomoi.com)
( vovworld ) – ເວທີປາໄສ “ສະພາບຕົວຈິງ ແລະ ມາດຕະການ ພັດທະນາແຫຼ່ງຊັບພະຍາກອນມະນຸດເຂດຊົນເຜົ່າສ່ວນໜ້ອຍ, ເຂດພູດອຍຮອດປີ 2020“ ໂດຍຄະນະກຳມະການ ຊົນເຜົ່າ, ໂຄງການພັດທະນາ ສປຊ ປະຈຳຫວຽດນາມ ສົມທົບກັນຈັດຂຶ້ນໃນວັນທີ 14/8 ຢູ່ຮ່າໂນ້ຍ. ບັນດາຄຳເຫັນທີ່ເວທີປາໄສໄດ້ຢືນຢັນວ່າ: ແຫຼ່ງຊັບພະຍາກອນ ມະນຸດມີບົດບາດຕັດສິນຊີ້ຂາດຕໍ່ການພັດທະນາເສດຖະກິດສັງຄົມ, ເພື່ອພັດທະນາ ແຫຼ່ງຊັບພະຍາກອນມະນຸດເຂດຊົນເຜົ່າສ່ວນໜ້ອຍ, ເຂດພູດອຍໃນໄລຍະທີ່ຈະມາເຖິງ, ມີຄຳເຫັນຂອງຫຼາຍທ່ານຖືວ່າ: ຄະນະກຳມະການຊົນເຜົ່າຕ້ອງສ້າງຍຸດທະສາດພັດທະນາຮອບດ້ານແຫຼ່ງຊັບພະຍາກອນມະນຸດໃຫ້ແກ່ບັນດາຊົນເຜົ່າສ່ວນໜ້ອຍ, ໃນນັ້ນຕ້ອງຖືການສຶກສາແມ່ນຂອດບຸກທະລຸໃນການພັດທະນາແຫຼ່ງຊັບ ພະຍາກອນມະນຸດເຂດຊົນເຜົ່າສ່ວນໜ້ອຍ, ເຂດພູດອຍ. ທ່ານດຣ Phan Van Hung ຮອງປະທານຄະນະກຳມະການຊົນເຜົ່າ ມີຄຳເຫັນວ່າ:
“ການພັດທະນາແຫຼ່ງຊັບພະຍາກອນມະນຸດຕ້ອງມີຄຸນນະພາບ, ຈຳນວນຢ່າງຄົບຊຸດ. ໃນໄລຍະທີ່ຈະມາເຖິງຈະສຸມໃສ່ບັນດາມາດຕະການກ່ຽວກັບຄຸນນະພາບຄື: ຍົກສູງຂອບຂະໜາດ, ສຸຂະພາບ, ພູມປັນຍາຂອງຊາວໜຸ່ມເຍົາວະຊົນ, ຍົກສູງລະດັບຄວາມຮູ້, ຄຸນນະພາບການສຶກສາ, ບຳລຸງສ້າງປັນຍາຊົນ, ຜູ້ມີຄວາມເກັ່ງກ້າສາມາດຢູ່ເຂດຊົນເຜົ່າສ່ວນໜ້ອຍ. ພວກເຮົາຕ້ອງມີໂຄງການບຳລຸງສ້າງປັນຍາຊົນ, ຜູ້ມີຄວາມເກັ່ງກ້າສາມາດໃນໄລຍະທີ່ຈະມາເຖິງ“