ພຸດທະສາສະໜານະຄອນໂຮ່ຈີມິນຕັ້ງໜ້າເຄື່ອນໄຫວກຸສົນ
ພາບປະກອບ
(vovworld) - ສະມາຄົມພຸດທະສາສະໜາ ນະຄອນ ໂຮ່ຈີມິນ ໄດ້ຈັດຕັ້ງການສະຫລຸບວຽກງານເຄື່ອນໄຫວທາງສາສະໜາພຸດໃນປີ 2013 ແລະ ຜັນຂະຫຍາຍລາຍການເຄື່ອນໄຫວທາງສາສະໜາພຸດປີ 2014. ປີ 2013, ການເຄື່ອນໄຫວວຽກງານພຸດທະສາສະໜາຂອງພຸດທະສາສະນິກກະຊົນນະຄອນບັນລຸຜົນງານທີ່ສຳຄັນໄດ້ຫຼາຍຄື: ຈັດຕັ້ງງານວິສາຂະບູຊາ ພສ 2557 ໃນປີ 2013 ຢ່າງສົມກຽດ, ສະເຫຼີມສະຫຼອງ 50 ປີແຫ່ງວັນໂພທິສັດ ທິກກວາງດຶກ ເຜົາຕົວຕາຍເພື່ອຕໍ່ສູ້ຕ້ານລະບອບຜະເດັດການ ໂງດິ່ງຢ້ຽມ. ກ່ຽວກັບການເຄື່ອນໄຫວກຸສົນສັງຄົມ, ປີ 2013, ພະສົງສາມະເນນ, ພຸດທະສາສະນິກກະຊົນນະຄອນໄດ້ປະກອບຈຳນວນເງິນ 317 ຕື້ດົ່ງ ຊ່ວຍເຫຼືອພໍ່ແມ່ປະຊາຊົນຖືກນ້ຳຖ້ວມຢູ່ບັນດາແຂວງພາກກາງ, ໄຕງວຽນ, ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ. ການເຄື່ອນໄຫວນີ້ສະແດງໃຫ້ເຫັນຈິດໃຈຢູ່ໃນສິນກິນໃນທຳ ແລະ ນ້ຳໃຈມະຫາສາມັກຄີທົ່ວປວງຊົນທັງຊາດຂອງສະມາຄົມພຸດທະສາສະໜານະຄອນ ໂຮ່ຈີມິນ. ທ່ານ ຮິ່ງງອກແທ່ງ, ຮອງຫົວໜ້າພະແນກວຽກງານພາຍໃນ, ຫົວໜ້າຄະນະສາສະໜາ ນະຄອນ ໂຮ່ຈີມິນ, ໃຫ້ຮູ້ວ່າ:
“ພວກຂ້າພະເຈົ້າຫວັງວ່າ ຄະນະບໍລິຫານງານສະມາຄົມພຸດທະສາສະໜາ ນະຄອນ ດ້ວຍຈິດໃຈເມດຕາກະລຸນາຂອງພະສົງຈະຕັດສິນໃຈສາມັກຄີເປັນຈິດໜຶ່ງໃຈດຽວ. ແລະດ້ວຍຄວາມສາມາດ, ພຸມປັນຍາຂອງຕົນສະມາຄົມພຸດທະສາສະໜາ ນະຄອນ ຈະເປັນຂົວຕໍ່ລະຫວ່າງອຳນາດການປົກຄອງນະຄອນກັບບັນດາພະສົງສາມະເນນ, ພຸດທະສາສະນິກກະຊົນ ແລະ ສະມາຄົມພຸດທະສາສະໜາ ຫວຽດນາມ ເພື່ອສ້າງຊື່ສຽງທີ່ດີໃຫ້ແກ່ພຸດທະສາສະໜາ ນະຄອນໃນໄລຍະຈະມາເຖິງ.”