(ພາບປະກອບ)
(vovworld) – ຕອນເຊົ້າວັນທີ 10/08, ຢູ່ນະຄອນຫຼວງວຽງຈັນ, ວັດ ເຟືດຕິ໋ກ ຂອງປະຊາຄົມຊາວຫວຽດນາມ ອາໄສຢູ່ລາວ ໄດ້ຈັດພິທີບູຊາ ວູລານ (ໝາຍເຖິງພິທີພູຊາວັນເພງເດືອນ 7) ພສ 2558 ຢູ່ລາວ ເພື່ອແນໃສ່ຮັກສາ ແລະ ເສີມຂະຫຍາຍຄຸນຄ່າດ້ານຄຸນສົມບັດອັນສູງສົ່ງຂອງຊາວຫວຽດນາມ. ກ່າວຄຳເຫັນທີ່ພິທີ, ພະອາຈານ ທິ່ກມິງກວາງ ໄດ້ຂອບໃຈແຂກເຂົ້າຮ່ວມ, ພິເສດແມ່ນພໍ່ແມ່ປະຊົນໄດ້ເຂົ້າຮ່ວມພິທີບູຊາ ວູລານ ພສ 2558, ສະແດງໃຫ້ເຫັນນ້ຳໃຈກິນເຂົ້າຄິດຮອດຄຸນນາ ກິນປາຄິດຮອດຄຸນນ້ຳຂອງປະຊາຊົນຫວຽດນາມ. ເຖິງວ່າຢູ່ຫ່າງຈາກປະເທດກໍ່ຕາມ ແຕ່ເລື່ອງຕອບບຸນແທນຄຸນຕໍ່ບັນພະບຸລຸດ, ປູ່ຍ່າຕາຍາຍ, ພໍ່ແມ່ ຍາມໃດພໍ່ແມ່ປະຊາຊົນໃນປະຊາຄົມກໍ່ຈົດຈຳ ແລະ ປະຕິບັດ. ແຕ່ດົນນານມາແລ້ວ, ຮອດວັນເພງເດືອນ 7 ພໍ່ແມ່ປະຊາຊົນໃນປະຊາຄົມຊາວຫວຽດນາມອາໄສຢູ່ລາວ ລ້ວນແຕ່ສະຫງວນເວລາເພື່ອສະແດງຄວາມກະຕັນຍູ ແລະ ຮູ້ບຸນຄຸນຕໍ່ພໍ່ແມ່, ອາໄລຫາບັນດານັກຮົບຫວຽດນາມ - ລາວ ທີ່ໄດ້ເສຍສະຫຼະຊີວິດໃນສະໜາມຮົບ ເພື່ອເອກະລາດ, ເສລີພາບຂອງປະເທດຊາດ ແລະ ຄວາມສາມັກຄີແບບພິເສດລະຫວ່າງລາວ - ຫວຽດນາມ.