ບຸນຊົນຄວາຍປະເພນີຂອງໂດ່ເຊີນ
(ພາບ: doson.vn)
(vovworld)- ຕອນຄ່ຳວັນທີ 12/9, ຄະນະກຳມະການ ປຊຊ ນະຄອນຫາຍຟ່ອງ ໄດ້ຈັດພິທິປະກາດບຸນຊົນຄວາຍແມ່ນມໍລະດົກວັດທະນະທຳບໍ່ມີຮູບຮ່າງລະດັບຊາດ. ນີ້ແມ່ນບັນດາການເຄື່ອນໄຫວນອນໃນຂອບເຂດບັນດາເຫດການຂ່ຳນັບຊົມເຊີຍປີທ່ອງທ່ຽວແຫ່ງຊາດເຂດທົ່ງພຽງແມ່ນ້ຳແດງ-ຫາຍຟ່ອງປີ 2013. ກ່າວຄຳເຫັນທີ່ພິທີປະກາດ, ທ່ານເລຄັກນາມ, ຮອງປະທານຄະນະກຳມະການ ປຊຊ ນະຄອນຫາຍຟ່ອງ ຢືນຢັນວ່າ: ບຸນຊົນຄວາຍ ໄດ້ມີມາກ່ອນນີ້ເກືອບ 1000 ປີແລ້ວ, ໃນສະໄໝເຈົ້າຊີວິດຫລີແທງຕົງ. ໂດຍໄດ້ຜ່ານບັນດາໄລຍະແຫ່ງປະຫວັດສາດ, ປີ 1990, ບຸນຊົນຄວາຍປະເພນີຂອງໂດ່ເຊີນ ໄດ້ຮັບການຟື້ນຟູ. ມາຮອດປະຈຸບັນ, ພາຍຫຼັງໄດ້ຮັບການຈັດຕັ້ງຂຶ້ນຢ່າງຕໍ່ເນື່ອງມາເປັນເວລາ 24 ປີ, ບຸນຊົນຄວາຍຍັງໄດ້ຮັບການບູລະນະ, ເສີມຂະຫຍາຍບັນດາຄຸນຄ່າ, ສ້າງໃຫ້ສົມບູນແບບ, ຍົກລະດັບຂອບຂະໜາດແຕ່ຍັງຄົງຮັກສາບັນດາປັດໄຈມູນເຊື້ອ, ຄຸນຄ່າວັດທະນະທຳອັນເປັນມູນເຊື້ອໄວ້ເໝືອນເດີມ. ເລື່ອງບຸນຊົນຄວາຍໄດ້ຮັບການຮັບຮອງແມ່ນມໍລະດົກບໍ່ມີຮູບຮ່າງລະດັບຊາດໄດ້ປະກອບສ່ວນສຳຄັນເຂົ້າໃນການສ້າງ, ບູລະນະ ແລະ ພັດທະນາພື້ນຖານວັດທະນະທຳຫວຽດນາມ ທີ່ກ້າວໜ້າ, ເຂັ້ມຂົ້ນໄປດ້ວຍສີສັນຂອງຊາດ.