(vovworld) – ວັນທີ 13/12, ຢູ່ຮ່າໂນ້ຍ, ຄະນະກຳມະການມອບລາງວັນ KOVA ໄດ້ຈັດພິທີມອບລາງວັນ ແລະ ທຶນສຶກສາ KOVA ຄັ້ງທີ 12 ໃຫ້ບັນດານັກວິທະຍາສາດ, ນັກສຶກສາທີ່ທຸກຍາກ ແລະ ບັນດາແບບຢ່າງດີເດັ່ນໃນຊີວິດສັງຄົມ. ລາງວັນ ແລະ ທຶນສຶກສາ KOVA ປີ 2014 ໄດ້ມອບໃຫ້ 3 ໝູ່ຄະນະ ແລະ 4 ສ່ວນບຸກຄົນ ເຊິ່ງແມ່ນບັນດານັກວິທະຍາສາດທີ່ມີຜົນງານຫຼາຍຢ່າງໃນການຄົ້ນຄວ້າ ນຳໃຊ້ເຕັກໂນໂລຊີເຂົ້າສະພາບຕົວຈິງ, ນຳມາເຊິ່ງປະສິດທິຜົນສູງໃນຂົງເຂດເສດຖະກິດ, ສັງຄົມ; ມີ 1 ໝູ່ຄະນະ ແລະ 4 ສ່ວນບຸກຄົນ ເຊິ່ງແມ່ນບັນດາແບບຢ່າງດີເດັ່ນໃນຊີວິດສັງຄົມ ແລະ ນັກສຶກສາກວ່າ 100 ຄົນທຸກຍາກ ແຕ່ບັນລຸໄດ້ຜົນງານໃນການຮໍ່າຮຽນສູງໃນສົກຮຽນ 2013 - 2014 ແລະ ມີບົດຄົ້ນຄວ້າວິທະຍາສາດດີ. ກ່າວຄຳເຫັນທີ່ພິທີມອບລາງວັນ, ທ່ານນາງຮອງປະທານປະເທດຫວຽດນາມ ຫງວຽນທິຢວານ ຖືວ່າ.
“ລາງວັນດັ່ງກ່າວ ບໍ່ພຽງແຕ່ແມ່ນການປຸກລະດົມກຳລັງໃຈສຳລັບໝູ່ຄະນະ, ສ່ວນບຸກຄົນທີ່ໄດ້ມານະພະຍາຍາມປືນຕົວຂຶ້ນ, ມີຂໍ້ລິເລີມຫຼາຍຢ່າງ, ມີຫົວຄິດປະດິດສ້າງ ປະກອບສ່ວນໃຫ້ສັງຄົມເທົ່ານັ້ນ ຫາກຍັງເປັນການສ້າງຖັນແຖວນັກປັນຍາຊົນ, ນັກວິທະຍາສາດຂອງປະເທດຊາດໃນອະນາຄົດອີກດ້ວຍ”.