ເນື່ອງໃນໂອກາດ ສະເຫຼີມສະຫຼອງ 88 ປີ ແຫ່ງວັນສ້າງຕັ້ງສະຫະພັນແມ່ຍິງຫວຽດນາມ ແລະ ວັນແມ່ຍິງຫວຽດນາມ (ວັນທີ 20 ຕຸລາ 1930 – 20 ຕຸລາ 2018), ວັນທີ 15 ຕຸລາ, ທີ່ຮ່າໂນ້ຍ, ສະຫະພັນແມ່ຍິງຫວຽດນາມ ໄດ້ຈັດຕັ້ງພິທີມອບລາງວັນແມ່ຍິງຫວຽດນາມ 2018 ໃຫ້ແກ່ 5 ໝູ່ຄະນະ ແລະ 10 ສ່ວນບຸກຄົນ ທີ່ມີຜົນງານດີເດັ່ນໃນທຸກຂົງເຂດ ແລະ ປະກອບສ່ວນຢ່າງຕັ້ງໜ້າເຂົ້າໃນການພັດທະນາຂອງສັງຄົມ.

        ໂດຍໄດ້ເລີ່ມຈັດຕັ້ງແຕ່ປີ 2002, ລາງວັນແມ່ຍິງຫວຽດນາມ ແມ່ນລາງວັນປະຈໍາປີ ທີ່ໃຫຍ່ທີ່ສຸດ ສະຫງວນສະເພາະໃຫ້ແກ່ແມ່ຍິງຫວຽດນາມ. ນີ້ແມ່ນຄັ້ງທີີ 15 ທີ່ສະຫະພັນແມ່ຍິງຫວຽດນາມ ໄດ້ຈັດພິທີມອບລາງວັນແມ່ຍິງຫວຽດນາມ. ຜ່ານການຈັດຕັ້ງມາເປັນ 14 ຄັ້ງ, ໄດ້ມີ 74 ໝູ່ຄະນະ ແລະ ສ່ວນບຸກຄົນທີ່ດີເດັ່ນ ຈໍານວນ 134 ຄົນ ໄດ້ຮັບລາງວັນແມ່ຍິງຫວຽດນາມ.