ພິທີມອບເງິນຊ່ວຍເຫຼືອຂອງລັດຖະບານຫວຽດນາມ ໃຫ້ ມຽນມາ ໃນວຽກງານປ້ອງກັນສະກັດກັ້ນໂລກລະບາດໂຄວິດ - 19 (ພາບ: cand.com.vn)

     ກ່າວຄໍາເຫັນທີ່ພິທີ, ທ່ານເອກອັກຄະລັດຖະທູດ ຫຼີກວັກຕ໊ວນ ໄດ້ຍົກໃຫ້ເຫັນຄວາມໝາຍຂອງການຊ່ວຍເຫຼືອອັນຈິງໃຈຂອງລັດຖະບານ ແລະ ປະຊາຊົນຫວຽດນາມ ທີ່ມີຕໍ່ລັດຖະບານ ແລະ ປະຊາຊົນ ມຽນມາ, ເຊິ່ງເປັນຄູ່ຮ່ວມມືຮອບດ້ານ, ດ້ວຍໄລຍະ 45 ປີີແຫ່ງການພົວພັນອັນສະໜິດແໜ້ນ ແລະ ໄວ້ເນື້ອເຊື່ອໃຈ ເຊິ່ງກັນແລະກັນ. ການຊ່ວຍເຫຼືອຂອງລັດຖະບານຫວຽດນາມໃນຄັ້ງນີ້ ໄດ້ສະແດງໃຫ້ເຫັນວ່າຍາມໃດຫວຽດນາມກໍມີຈິດໃຈຊ່ວຍເຫຼືອເພື່ອນມິດ, ໂດຍສະເພາະແມ່ນໃນໄລຍະປະສົບກັບຄວາມຫຍຸ້ງຍາກຍ້ອນໂລກລະບາດ. ທ່ານສາດສະດາຈານ, ປະລິນຍາເອກ Zaw Than Htun, ຫົວໜ້າກົມຄົ້ນຄວ້າ ສາທາລະນະສຸກ, ກະຊວງສາທາລະນະສຸກ ແລະ ກິລາ ມຽນມາ ໄດ້ຕີລາຄາສູງຕໍ່ການພົວພັນຮ່ວມມືລະຫວ່າງສອງປະເທດ, ອາລົມຈິດອັນລໍ້າຄ່າຂອງຫວຽດນາມທີ່ມີຕໍ່ມຽນມາ; ພ້ອມທັງໃຫ້ຮູ້ວ່າ ມຽນມາ ພວມຕິດຕາມຜົນສໍາເລັດໃນວຽກງານປ້ອງກັນ, ສະກັດກັ້ນໂລກລະບາດໂຄວິດ - 19 ຂອງຫວຽດນາມ ແລະ ຖືນີ້ແມ່ນບົດຮຽນອັນແທດຈິງສໍາລັບ ມຽນມາ. ເນື່ອງໃນໂອກາດນີ້, ຜູ້ຕາງໜ້າວິສາຫະກິດຈໍານວນໜຶ່ງຂອງຫວຽດນາມ ກໍໄດ້ມອບອຸປະກອນການແພດ ແລະ ເງິນຈໍານວນໜຶ່ງໃຫ້ແກ່ກະຊວງສາທາລະນະສຸກ ແລະ ກິລາ ມຽນມາ ເຊັ່ນດຽວກັນ.