ພິທີລົງນາມໂຄສະນາເຜີຍແຜ່ລະຫວ່າງແນວໂຮມປະເທດຊາດກັບ3ອົງການສື່ມວນຊົນ
ທ່ານປະທານແນວໂຮມປະເທດຊາດຫວຽດນາມ ຫງວຽນທ້ຽນເຍີນ ກ່າວຄຳເຫັນທີ່ພິທີລົງນາມ
|
(vovworld) – ພິທີລົງນາມໂຄສະນາເຜີຍແຜ່ລະຫວ່າງແນວໂຮມປະເທດຊາດ ກັບວິທະຍຸກະຈາຍສຽງຫວຽດນາມ, ໂທລະພາບຫວຽດນາມ ແລະ ສຳນັກຂ່າວສານຫວຽດນາມ ໄດ້ຮັບການຈັດຕັ້ງຂຶ້ນໃນຕອນເຊົ້າວັນທີ 8/4, ຢູ່ ຮ່າໂນ້ຍ ເພື່ອແນໃສ່ສົມທົບກັນໂຄສະນາເຜີຍແຜ່ກ່ຽວກັບແຜນນະໂຍບາຍ, ແນວທາງຂອງພັກ, ນະໂຍບາຍ, ກົດໝາຍຂອງລັດ, ໂຄງການເຄື່ອນໄຫວຂອງແນວໂຮມປະເທດຊາດ ຫວຽດນາມ ກ່ຽວກັບການສ້າງສາ ແລະ ຜັນຂະຫຍາຍກຳລັງແຮງມະຫາສາມັກຄີທົ່ວປວງຊົນ. ພິເສດ, ແນວໂຮມປະເທດຊາດ ຫວຽດນາມ ແລະ 3 ອົງການສື່ມວນຊົນສົມທົບກັນຍູ້ແຮງການໂຄສະນາເຜີຍແຜ່ການຜັນຂະຫຍາຍປະຕິບັດລະບຽບການຕິດຕາມກວດກາ ແລະ ໄຈ້ແຍກຕີລາຄາສັງຄົມຂອງແນວໂຮມປະເທດຊາດ ຫວຽດນາມ ແລະ ບັນດາອົງການຈັດຕັ້ງມະຫາຊົນ ການເມືອງ - ສັງຄົມ, ກຳນົດກ່ຽວກັບເລື່ອງແນວໂຮມປະເທດຊາດ ຫວຽດນາມ ແລະ ບັນດາ ອົງການຈັດຕັ້ງມະຫາຊົນການເມືອງ - ສັງຄົມ ແລະ ປະຊາຊົນເຂົ້າຮ່ວມການປະກອບຄວາມເຫັນກໍ່ສ້າງພັກ, ກໍ່ສ້າງອຳນາດການປົກຄອງ, ໂຄສະນາເຜີຍແຜ່ບັນດາລາຍການຕິດຕາມກວດກາຂອງແນວໂຮມຄື: ໂຄງການກວດກາບັນດານະໂຍບາຍບຸລິມະສິດແກ່ຜູ້ມີຄຸນງາມຄວາມດີ, ຕິດຕາມກວດກາການປະຕິບັດກົດໝາຍຂອງບັນດາຮາກຖານສາທາລະນະສຸກເອກະຊົນ…