(vovworld) - ຕອນບ່າຍວັນທີ 29/8, ຢູ່ນອກກອງປະຊຸມລັດຖະມົນຕີການເງິນ ບັນດາປະເທດ ເວທີປາໄສຮ່ວມມືເສດຖະກິດອາຊີ - ປາຊີຝິກ (APEC) ທີ່ພວມຈັດຕັ້ງຢູ່ມົດສະກູ, ປະເທດລັດເຊຍ, ໄດ້ດຳເນີນພິທີລົງນານໃນບົດບັນທຶກຊ່ວຍຈຳກ່ຽວກັບການຮ່ວມມືລະຫວ່າງກະຊວງການເງິນຫວຽດນາມ ແລະ ກະຊວງການເງິນສະຫະພັນລັດເຊຍ. ເພື່ອແນໃສ່ເພີ່ມທະວີການພົວພັນຮ່ວມມືລະຫວ່າງສອງກະຊວງການເງິນກວ່າອີກ ໃນຂົງເຂດຄຸ້ມຄອງການເງິນຂອງລັດ ແລະ ສ້າງກົນໄກທີມີປະສິດທິຜົນທີ່ສຸດເພື່ອເພີ່ມທະວີການແລກປ່ຽນຂໍ້ມູນຂ່າວສານ ແລະ ແບ່ງປັນບົດຮຽນລະຫວ່າງກະຊວງການເງິນຫວຽດນາມ ແລະ ກະຊວງການເງິນສະຫະພັນລັດເຊຍ ພ້ອມກັນເປັນເອກະພາບໃນການຜັນຂະຫຍາຍໂຄງການຮ່ວມມືດ້ານການເງິນໃນບັນດາຂົງເຂດ; ຍຸດທະສາດ ແລະ ນະໂຍບາຍຮັກສາເສດຖະກິດປົກກະຕິ; ຄຸ້ມຄອງລາຍຮັບງົບປະມານແຫ່ງລັດ, ຄຸ້ມຄອງລາຍຈ່າຍງົບປະມານແຫ່ງລັດຮັບປະກັນຊີວິດສັງຄົມ; ຄຸ້ມຄອງແຫຼ່ງຊັບພະຍາກອນມະນຸດ… ໃນຂອບເຂດການຮ່ວມມື, ສອງຝ່າຍຈະແລກປ່ຽນບັນດາຄະນະປະຕິບັດງານ, ສົ່ງພະນັກງານໄປຖອດຖອນບົດຮຽນ, ຈັດຕັ້ງການສຳມະນາດ້ວຍຫົວເລື່ອງສະເພາະ, ກອງປະຊຸມ ແລະ ບັນດາຊຸດບຳລຸງສ້າງໄລຍະສັ້ນຢູ່ຫວຽດນາມ ແລະ ສະຫະພັນລັດເຊຍ, ພ້ອມກັນນັ້ນ ກະຊວງການເງິນສະຫະພັນລັດເຊຍ ໄດ້ສົ່ງຊ່ຽວເປັນທີ່ປຶກສາ ເພື່ອໜູນຊ່ວຍຫວຽດນາມ ໃນບັນດາບັນຫາທີ່ສອງຝ່າຍເປັນເອກະພາບໃນບັນດາຂົງເຂດຮ່ວມມືດັ່ງກ່າວ.