ທ່ານລັດຖະມົນຕີການຕ່າງປະເທດ ຟ້າມບິນມິນ ກ່າວຄຳເຫັນນະພິທີ
(ພາບປະກອບ)
(vovworld) – ຕອນຄຳ່ວັນທີ 2/3, ຢູ່ ໂຮງລະຄອນໃຫຍ່ ຮ່າໂນ້ຍ ໄດ້ດຳເນີນພິທີສະເຫຼີມສະຫຼອງ 40 ປີແຫ່ງວັນສ້າງຕັ້ງສາຍພົວພັນທາງການທູດ ລະຫວ່າງ ຫວຽດນາມ - ອົດສະຕາລີ (26/2/1973 – 26/2/2013) ດ້ວຍລາຍການສະແດງສິລະປະພິເສດ ຂອງໂຮງລະຄອນ ສິລະປະ Bangarra, ເຊິ່ງແມ່ນຫົວໜ່ວຍສະແດງສິລະປະອັນດັບໜຶ່ງຂອງ ອົດສະຕາລີ. ກ່າວຄຳເຫນນະພິທີ, ທ່ານເອກອັກຄະລັດຖະທູດ ອົດສະຕາລີ ປະຈຳ ຫວຽດນາມ Hugh Borrowman ຊີ້ແຈ້ງວ່າ: ລາຍການເຄື່ອນໄຫວສະເຫຼີມສະຫຼອງ 40 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງ 2 ປະເທດ ສະແດງໃຫ້ເຫັນຄວາມໝາຍຢ່າງເລິກເຊິ່ງກ້ວາງແຂວງ ແລະ ເຂັ້ມແຂງຂອງສາຍພົວພັນ 2 ຝ່າຍ. ສ່ວນທ່ານລັດຖະມົນຕີການຕ່າງປະເທດ ຫວຽດນາມ ຟ້າມບິນມິນ ກໍ່ຢັ້ງຢືນ ນ້ຳໃຈມິດຕະພາບລະຫວ່າງ ປະຊາຊົນ 2 ປະເທດ ຫວຽດນາມ ແລະ ອົດສະຕາລີ ໄດ້ຮັບການພິສູດ ແລະ ນັບມື້ນັບພັດທະນາ:
“ຂ້າພະເຈົ້າເຊື່ອໝັ້ນຢ່າງແນວແນ່ວ່າ, ດ້ວຍບັນດາໝາກຜົນອັນດີງາມທີ່ບັນລຸມາໄດ້, ດ້ວຍຄວາມເຫັນດີເຫັນພ້ອມ ແລະ ຄວາມຕັດສິນໃຈຂອງລັດຖະບານ ແລະ ປະຊາຊົນ 2 ປະເທດ, ອະນາຄົດຂອງສາຍພົວພັນຄູ່ຮ່ວມມືຍຸດທະສາດ ຫວຽດນາມ - ອົດສະຕາລີ ຈະນັບມື້ນັບແຕກດອກອອກຜົນ, ມຸ້ງໄປສູ່ລະດັບສູງໃໝ່, ເພື່ອຜົນປະໂຫຍດຂອງປະຊາຊົນແຕ່ລະປະເທດ, ເພື່ອສັນຕິພາບ, ສະຖຽນລະພາບ ແລະ ການພັດທະນາຢູ່ພາກພື້ນ ແລະ ຢູ່ໃນໂລກ.”