ຕອນບ່າຍວັນທີ 26 ພະຈິກ ຢູ່ຮ່າໂນ້ຍ, ກຸ່ມບໍລິສັດນ້ຳມັນອາຍແກັດແຫ່ງຊາດຫວຽດນາມໄດ້ຈັດພິທີສະເຫຼີມສະຫຼອງ 50 ປີ ແຫ່ງວັນມູນເຊື້ອຂອງຂະແໜງນ້ຳມັນອາຍແກັດຫວຽດນາມຢ່າງສົມກຽດ. ກ່າວຄຳເຫັນທີ່ພິທີ່, ທ່ານຮອງນາຍົກລັດຖະມົນຕີຫວຽດນາມ ຮ່ວາງຈູງຫາຍ ໄດ້ຕາງໜ້າລັດຖະບານຕີລາຄາສູງກຸ່ມບໍລິສັດນ້ຳມັນອາຍແກັດຫວຽດນາມໄດ້ມີການເຄື່ອນໄຫວຜະລິດດຳເນີນທຸລະກິດຢ່າງມີປະສິດທິຜົນ, ໄດ້ນຳໜ້າໃນການຮ່ວມມືເຊື່ອມໂຍງເຂົ້າກັບສາກົນ, ເປີດກວ້າງການລົງທຶນອອກສູ່ຕ່າງປະເທດ. ທ່ານຮອງນາຍົກລັດຖະມົນຕີ ຮ່ວາງຈູງຫາຍ ໄດ້ສະເໜີວ່າ. “ກຸ່ມບໍລິສັດຄວນສ້າງບັນດາມາດຖານກ່ຽວກັບຄວາມສາມາດແກ່ງແຍ່ງ, ຍົກອອກທິດທາງ ແລະ ໜ້າທີ່ ເພື່ອແນໃສ່ນຳກຸ່ມບໍລິສັດກ້າວເຖິງການທ່ວງທັນກັບບັນດາກຸ່ມບໍລິສັດໃຫຍ່ໃນພາກພື້ນ ແລະ ໂລກ. ກຸ່ມບໍລິສັດຄວມສືບຕໍ່ຍູ້ແຮງການເຄື່ອນໄຫວສຳຫຼວດຊອກຫານ້ຳມັນອາຍແກັດທັງຢູ່ພາຍໃນ ແລະ ຕ່າງປະເທດ, ປະກອບສ່ວນຢ່າງແທ້ຈິງເພື່ອຮັບປະກັນຄວາມປອດໄພດ້ານພະລັງງານໃຫ້ແກ່ປະເທດຊາດ, ກໍ່ສ້າງກຸ່ມບໍລິສັດນ້ຳມັນອາຍແກັດແຫ່ງຊາດກາຍເປັນແບບຢ່າງລັດວິສາຫະກິດທີ່ດີທີ່ສຸດ”. ຢູ່ທີ່ພິທີສະເຫຼີມສະຫຼອງ, ທ່ານປະທານສະພາແຫ່ງຊາດ ຫງວຽນຊິງຮູ່ງ, ທ່ານ ນາງຮອງປະທານປະເທດ ຫງວຽນທິຢວານ, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ໄດ້ມອບຫຼຽນໄຊ, ຫຼຽນກາ ແລະ ບັນດານາມມະຍົດຂອງພັກ, ລັດ ໃຫ້ແກ່ບັນດາໜູ່ຄະນະ, ສ່ວນບຸກຄົນຂອງກຸ່ມບໍລິສັດນ້ຳມັນອາຍແກັດຫວຽດນາມ ຍ້ອນມີການປະກອບວ່ານທີ່ດີເດັ່ນເຂົ້າໃນການພັດທະນາຂອງຂະແໜງ .