55 ປີແຫ່ງວັນສ້າງຕັ້ງສະມາຄົມນັກສິລະປິນລະຄອນຫວຽດນາມ
(ພາບ:brt.org.vn)
(VOV)- ຕອນຄ່ຳວັນທີ 11/10, ຢູ່ຮ່າໂນ້ຍ, ສະມາຄົມນັກສິລະປິນລະຄອນຫວຽດ ນາມໄດ້ຈັດພິທີສະເຫຼີມສະຫຼອງ 55 ປີແຫ່ງວັນສ້າງຕັ້ງສະມາຄົມນັກສິລະປິນລະຄອນຫວຽດນາມ (1957-2012), 30 ປີແຫ່ງວັນສ້າງຕັ້ງສະມາຄົມນັກສິລະປິນລະຄອນນະຄອນໂຮ່ຈິມິນ ແລະ ໄຂງານວາງສະແດງ “55 ປີແຫ່ງວັນສ້າງຕັ້ງ ແລະ ພັດທະນາສະມາຄົມນັກສິລະປິນລະຄອນ“. ທ່ານປະທານປະເທດ Truong Tan Sang ແລະ ບັນດາການນຳພັກ, ລັດຫວຽດນາມ ໄດ້ເຂົ້າຮ່ວມ. ກ່າວຄຳເຫັນທີ່ພິທີ, ນັກສິລະປິນປະຊາຊົນ Le Tien Tho ປະທານສະມາຄົມນັກສິລະປິນລະຄອນຫວຽດນາມ ຢືນຢັນວ່າ: ຜ່ານໄລຍະເວລາ 55 ປີແຫ່ງການສ້າງຕັ້ງ ແລະ ພັດທະນາ, ຍາມໃດ, ຖັນແຖວນັກສິລະປິນລະຄອນຫວຽດນາມ ກໍ່ປະຕິບັດສຳເລັດໜ້າທີ່ປະຫວັດສາດຊຶ່ງພັກ, ລັດ ແລະ ປະຊາຊົນມອບໝາຍໃຫ້. ທ່ານໃຫ້ຮູ້ວ່າ:
“ນັກສິລະປິນລະຄອນໝົດທຸກຄົນຂໍໃຫ້ຄຳໝັ້ນສັນຍາກັບລຸງໂຮ່ທີ່ແສນເຄົາລົບຮັກ, ພັກ, ລັດວ່າ: ວົງການນັກສິລະປິນລະຄອນຈະມີຄວາມສາມັກຄີກັນ, ພ້ອມກັນປະດິດສ້າງຈົນສຸດຄວາມສາມາດຂອງຕົນ, ສ້າງບັນດາບົດລະຄອນທີ່ມີຄຸນນະພາບເພື່ອຮັບໃຊ້ປະຊາຊົນ, ປະກອບສ່ວນນຳພື້ນຖານລະຄອນເວທີຫວຽດນາມ ໃຫ້ ພັດທະນາໃນໄລຍະຫັນປະເທດຊາດເປັນອຸດສາຫະກຳ ແລະ ທັນສະໄໝ“.