ພິທີສະເຫຼີມສະຫຼອງ 65 ປີແຫ່ງວັນທ່ານປະທານໂຮ່ຈິມິນ ອອກຄຳຮຽກຮ້ອງແຂ່ງຂັນຮັກຊາດ
ທ່ານນາຍົກລັດຖະມົນຕີ ຫງວຽນເຕີ້ນຢຸງ ມອບທຸງແຂ່ງຂັນຂອງລັດຖະບານໃຫ້ແກ່ອົງຄະນະພັກ, ອຳນາດການປົກຄອງ ແລະ ປະຊາຊົນນະຄອນໂຮ່ຈິມິນ ຍ້ອນມີຜົນງານນຳໜ້າຂະບວນການແຂ່ງຂັນຂອງ 5 ນະຄອນທີ່ຂຶ້ນກັບສູນກາງ
(ພາບ: bao dientuchinhphu)
|
Vovworld- ຕອນເຊົ້າວັນທີ 9/6, ຢູ່ນະຄອນໂຮ່ຈິມິນ, ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸງ ໄດ້ເຂົ້າຮ່ວມພິທີສະເຫຼີມສະຫຼອງ 65 ປີແຫ່ງວັນທ່ານປະທານໂຮ່ຈິມິນອອກຄຳຮຽກຮ້ອງແຂ່ງຂັນຮັກຊາດ, ວັນມູນເຊື້ອ ແຂ່ງຂັນຮັກຊາດ ແລະ ຍ້ອງຍໍຊົມເຊີຍແບບຢ່າງທີ່ກ້າວໜ້າໄລຍະ 2011-2013. ໂດຍປະຕິບັດ ຕາມຄຳຄຳຮຽກຮ້ອງຂອງທ່ານປະທານໂຮ່ຈິມິນ, ຂະບວນການ ແຂ່ງຂັນຮັກຊາດຖືກນະຄອນໂຮ່ຈິມິນ ຜັນຂະຫຍາຍຢ່າງເລິກເຊິ່ງ ກ້ວາງຂວາງ, ພັດທະນາຢ່າງແຂງແຮງ ລົງຮອດບັນດາອົງການຂັ້ນຮາກຖານ ໃນບໍລິເວນ. ຜ່ານນັ້ນໄດ້ນຳມາເຊິ່ງປະສິດທິຜົນຢ່າງແທດຈິງ, ປະກອບສ່ວນສ້າງກຳລັງຊຸກຍູ້ ການປະຕິບັດບັນດາໜ້າທີ່ເສດຖະກິດ-ສັງຄົມ, ການປ້ອງກັນຊາດ ປ້ອງກັນຄວາມສະຫງົບຂອງນະຄອນ ແລະ ຂອງທົ່ວປະເທດຢ່າງມີໄຊ. ກ່າວຕຳເຫັນທີ່ພິທີສະເຫຼີມສະຫຼອງ 65 ປີແຫ່ງວັນທ່ານປະທານໂຮ່ຈິມິນອອກຄຳຮຽກຮ້ອງແຂ່ງຂັນຮັກຊາດ, ທ່ານ ເຈີນແທງຫາຍ ປະທານສະຫະພັນແຮງງານນະຄອນໂຮ່ຈິມິນ ໃຫ້ຮູ້ວ່າ :
“ ໝາກຜົນທີ່ສຳຄັນຂອງຂະບວນການແຂ່ງຂັນຮັກຊາດ, ແມ່ນຜູ້ອອກແຮງງານ ໄດ້ຮັບຮູ້ຢ່າງເລິກເຊິ່ງກ່ວາກ່ຽວກັບໝາກຜົນຂອງການອອກແຮງງານ. ພ້ອມກັນນັ້ນ ກໍນັບມື້ນັບມີຜູ້ນຳໃຊ້ແຮງງານຫຼາຍຄົນຢູ່ນອກລັດມີຄວາມເຄົາລົບຕໍ່ຜູ້ອອກແຮງງານ. ສິ່ງນີ້ແມ່ນພື້ນຖານເພື່ອພັດທະນາແບບຍືນຍົງ ໃນສະພາບເສດຖະກິດມີການຫັນປ່ຽນຫຼາຍຢ່າງ. ນີ້ກໍແມ່ນໝາກຜົນຂອງການຮັບຮູ້ຢ່າງຖືກກັບລະດັບຄວາມສຳຄັນຂອງວຽກງານຈັດຕັ້ງຂະບວນການແຂ່ງຂັນຮັກຊາດ, ຍາມໃດກໍຍຶດໝັ້ນການປະຕິບັດບົນພື້ນຖານກຳນົດຈຸດໝາຍຢ່າງຖືກຕ້ອງ, ມີຫົວຄິດປະດິດສ້າງກ່ຽວກັບວິທີປະຕິບັດ ແລະ ຍາມໃດກໍມຸ່ງໄປສູ່ໝາກຜົນການແຂ່ງຂັນ”