(VOVWORLD) -ຕອນເຊົ້າວັນທີ 1 ສິງຫາ, ຢູ່ຮ່າໂນ້ຍ, ຄະນະໂຄສະນາ ສຶກສາສູນການພັກກອມມູນິດ ຫວຽດນາມ ໄດ້ຈັດຕັ້ງພິທີສະເຫຼີມສະຫຼອງ90 ປີແຫ່ງວັນມູນເຊື້ອຂະແໜງໂຄສະນາສຶກສາຂອງພັກ (1 ສິງຫາ 1930 – 1 ສິງຫາ 2020).
 ທ່ານ ຫວໍວັນເຖືອງ, ຫົວໜ້າຄະນະໂຄສະນາສຶກສາສູນກາງພັກກອມມູນິດຫວຽດນາມ າວສູນທອນພົດຢູ່ພິທີສະເຫຼີມສະຫຼອງ (ພາບ: qdnd.vn) |
ກ່າວສູນທອນພົດຢູ່ພິທີສະເຫຼີມສະຫຼອງ, ທ່ານ ຫວໍວັນເຖືອງ, ຫົວໜ້າຄະນະໂຄສະນາສຶກສາສູນກາງພັກກອມມູນິດຫວຽດນາມ ຊີ້ແຈ້ງວ່າ: 90 ປີທີ່ຜ່ານມາ, ຂະແໜງໂຄສະນາສຶກສາ ແລະ ວຽກງານໂຄສະນາສຶກສາກາຍເປັນພາກສ່ວນໜຶ່ງທີ່ບໍ່ອາດຕັດແຍກອອກຈາກພາລະກິດປະຕິວັດຂອງພັກ ແລະ ຊາດໄດ້ແລະ ຍາມໃດກໍ່ມີຄວາມສະໜິດຕິດພັນຢ່າງເລິກເຊິ່ງ. ບັນດາໄຊຊະນະທີ່ຍິ່ງໃຫຍ່ເຊິ່ງພັກ ແລະ ປະຊາຊົນຫວຽດນາມຍາດມາໄດ້ໃນພາລະກິດແຫ່ງການຕໍ່ສູ້, ປົດປ່ອຍຊາດ, ທ້ອນໂຮມປະເທດຊາດເປັນເອກະພາບກໍ່ຄືໃນພາລະກິດແຫ່ງການປ່ຽນແປງໃໝ່, ສ້າງສາ, ພັດທະນາ ແລະ ປົກປັກຮັກສາ ປະເທດຊາດລ້ວນແຕ່ມີການປະກອບສ່ວນອັນໃຫຍ່ຫຼວງຂອງຂະແໜງໂຄສະນາສຶກສາ ແລະ ວຽກງານໂຄສະນາສຶກສາຂອງພັກ.
ທີ່ພິທີສະເຫຼີມສະຫຼອງ, ທ່ານຮ່າດັງ, ອະດີດຫົວໜ້າຄະນະແນວຄິດວັດທະນະທຳສູນກາງພັກແບ່ງປັນວ່າ:
ໃນຫຼາຍປີທີ່ເຮັດວຽກງານວັດທະນະທຳນັ້ນ ວຽກງານແນວຄິດທິດສະດີຂອງຄະນະໂຄສະນາສຶກສາໄດ້ຖືເປັນສຳຄັນແຖວໜ້າ. ໃນວຽກງານແນວຄິດທິດສະດີມີ 3 ເນື້ອໃນ, ທີ 1 ແມ່ນໂຄສະນາລັດທິ ມາກ - ເລນິນ ແລະ ແນວຄິດໂຮ່ຈີມິນ; ອະທິບາຍແນວທາງແຜນນະໂຍບາຍຂອງພັກ; ນຳເຂົ້າໃນການດຳລົງຊີວິດຕົວຈິງເພື່ອຄົ້ນພົບບັນດາບັນຫາຂອງການດຳລົງຊີວິດ ຫຼັງຈາກນັ້ນສ່ອງແສງໃຫ້ພັກ, ຖ້າຫາກວ່າບັນດາແຜນນະໂຍບາຍຍັງບໍ່ທັນແທດເໝາະ, ຍັງບໍ່ທັນຖືກຕ້ອງກັບຕົວຈິງຕ້ອງໄດ້ປັບປຸງ, ແກ້ໄຂ ແລະ ມີນະໂຍບາຍໃໝ່, ສິ່ງດັ່ງກ່າວນັ້ນ, ຄະນະໂຄສະນາສຶກສາສູນກາງລ້ວນແຕ່ເຮັດໄດ້ດີ.