ພິທີສະເຫຼີມສະຫຼອງວັນສາກົນ ໃຊ້ພາສາຝຣັ່ງ
ການປະຊຸມຂ່າວກ່ຽວກັບພິທີສະເຫຼີມສະຫຼອງວັນສາກົນໃຊ້ພາສາຝຣັ່ງ
(ພາບ:gdtd.vn)
|
( vovworld ) – ວັນທີ 20/3, ກະຊວງການຕ່າງປະເທດຫວຽດນາມ ສົມທົບກັບຫ້ອງການຜູ້ຕາງໜ້າອົງການສາກົນໃຊ້ພາສາຝຣັ່ງພາກພື້ນອາຊີ-ປາຊີຟິກ ໄດ້ຈັດພິທີສະເຫຼີມສະຫຼອງວັນສາກົນໃຊ້ພາສາຝຣັ່ງຢ່າງເປັນທາງການທີ່ໂຮງລະຄອນໃຫ່ຍຮ່າໂນ້ຍ. ໃນສານອອກອາກາດທາງວິທະຍຸກະຈາຍສຽງຫວຽດນາມ ເນື່ອງໃນໂອກາດນີ້, ທ່ານນາງ Anissa Barrak ຜູ້ອຳນວຍການຫ້ອງການຜູ້ຕາງໜ້າອົງການສາກົນໃຊ້ພາສາຝຣັ່ງ ພາກພື້ນອາຊີ-ປາຊີຟິກ ໄດ້ຢືນຢັນພະລັງຊີວິດອັນແຮງກ້າຂອງປະຊາຄົມໃຊ້ພາສາຝຣັ່ງ ຊື່ງພິສູດເຫັນວ່າ ປະຈຸບັນ, ມີ 75 ປະເທດຢູ່ພາກພື້ນອາຊີ-ປາຊີຟິກ, ອາຟຼິກກາ, ມະຫາສະໝຸດອິນເດຍ, ເອີລົບ, ທະວີບອາເມລິກາ, ເຂດກາຣີເບ, ບັນດາປະເທດອາຣັບ…. ນຳໃຊ້ພາສາຝະລັ່ງ. ທ່ານນາງ Anissa Barrak ກໍໄດ້ຮັບຮູ້ ແລະ ຕີລາຄາສູງບັນດາການປະກອບສ່ວນຂອງຫວຽດນາມ ເຂົ້າໃນປະຊາຄົມໃຊ້ພາສາຝຣັ່ງ. ທ່ານນາງເວົ້າວ່າ:
“ດ້ວຍບັນດາຜົນງານດ້ານເສດຖະກິດ, ຄວາມຂະຫຍັນຂັນເຄື່ອນດ້ານການທູດ ແລະ ທີ່ຕັ້ງບົດບາດຂອງຕົນໃນການພົວພັນໃນໂລກ, ຫວຽດນາມ ພວມສວມບົດບາດສຳຄັນທີ່ສຸດ ໃນການເພີ່ມທະວີການພົວພັນລະຫວ່າງບັນດາປະເທດໃຊ້ພາສະຝຣັ່ງໃນພາກພື້ນອາຊີ-ປາຊີຟິກ ແລະ ໃນພາກພື້ນອື່ນໆ ໃນກຸ່ມບັນດາປະເທດໃຊ້ພາສາຝຣັ່ງ. ໃນຖານະເປັນສະມາຊິກສົມບູນໃນສະຫະສະມາຄົມປະຊາຊາດອາຊີຕາເວັນອອກສ່ຽງໃຕ້ ແລະ ກຸ່ມບັນດາປະເທດໃຊ້ພາສາຝຣັ່ງນັ້ນ, ຫວຽດນາມ ພວມຊຸກຍູ້ການຮ່ວມມື ແລະ ຄວາມເປັນເອກະພາບລະຫວ່າງສອງອົງການ ພ້ອມກັນມຸ້ງໄປເຖິງຈຸດໝາຍລວມ ເພື່ອສັນຕິພາບ ແລະ ຄວາມຈະເລີນຮຸ່ງເຮືອງຂອງປະຊາຊາດ“.