ພິທີສະຫລີມສະຫລອງ 130 ປີແຫ່ງວັນກຳມະກອນສາກົນ
ພາບ:laodong.com
|
(vovworld)- ຕອນຄ່ຳວັນທີ 1/5 ຢູ່ ຮ່າໂນ້ຍ, ສະຫະພັນໃຫຍ່ ແຮງງານ ຫວຽດນາມ ໄດ້ຈັດຕັ້ງພິທີສະຫລີມສະຫລອງ 130 ປີແຫ່ງວັນກຳມະກອນສາກົນ (1/5/1886-1/5/12016) ເພື່ອທົບທວນຄືນມູນເຊື້ອ ແລະ ເສີມຂະຫຍາຍບົດບາດອັນໃຫຍ່ຫລວງຂອງຊົນຊັ້ນກຳມະກອນ ຫວຽດນາມ ໃນພາລະກິດສ້າງສາ ແລະ ປົກປັກຮັກສາປະເທດຊາດ. ກ່າວຄຳເຫັນນະພິທີ, ທ່ານນາງ ເຈືອງທິມາຍ, ກຳມະການກົມການເມືອງ, ເລຂາສູນກາງພັກ, ຫົວຫນ້າຄະນະຂົນຂວາຍປະຊາຊົນສູນກາງ ໄດ້ຍ້ອງຍໍບັນດາຜົນງານ, ຄວາມກ້າວຫນ້າຂອງຂະບວນການກຳມະກອນ, ການເຄື່ອນໄຫວຂອງກຳມະບານຫວຽດນາມ ແລະ ເນັ້ນຫນັກວ່າ: ອົງການກຳມະບານ ຫວຽດນາມ ຄວນສືບຕໍ່ປະຕິບັດຫນ້າທີ່ກໍ່ສ້າງຊົນຊັ້ນກຳມະກອນໃຫ້ສົມກັບກຳລັງຫລັກແຫລ່ງແກ່ນສານ ນຳຫນ້າໃນພາລະກິດຫັນປະເທດຊາດເປັນປະເທດອຸດສາຫະກຳ ແລະ ທັນສະໄຫມ.
“ຍົກສູງຄຸນນະພາບປະສິດທິຜົນການເຄື່ອນໄຫວຂອງກຳມະບານໃນການເຂົ້າຮ່ວມກັບພັກ, ລັດ ສ້າງລະບົບນະໂຍບາຍ, ກົດໝາຍທີ່ກ່ຽວຂ້ອງເຖິງຄົນງານໃຫ້ສົມບູນແບບ, ປົກປ້ອງສິດ, ຜົນປະໂຫຍດອັນຊອບທຳໃຫ້ແກ່ຄົນງານ. ພ້ອມທັງສົມທົບກັບອຳນາດການປົກຄອງປຸກລະດົມ, ຈັດຕັ້ງບັນດາຂະບວນການແຂ່ງຂັນຮັກຊາດ, ລະດົມກຳມະກອນ, ລັດຖະກອນ, ຄົນງານເສີມຂະຫຍາຍສິດເປັນເຈົ້າປະເທດຊາດ, ນຳຫນ້າໃນບັນດາຂະບວນການແຂ່ງຂັນ, ພັດທະນາເສດຖະກິດສັງຄົມ.”
ທີ່ພິທີສະຫລີມສະຫລອງ, ສະຫະພັນໃຫຍ່ແຮງງານຫວຽດນາມ ໄດ້ເຊີດຊູ 10 ຜະລິດຕະພັນ “ຄວາມເອກອ້າງທະນົງໃຈພູມປັນຍາແຮງງານຫວຽດນາມ”. ນີ້ແມ່ນບັນດາຂໍ້ລິເລິ່ມໂດຍບັນດາຄົນງານຫວຽດນາມປະດິດສ້າງໂດຍກົງ, ມີຜະລິດຕະພັນຫລາຍຢ່າງໄດ້ນຳໃຊ້ເຕັກໂນໂລຊີ ໂດຍຫວຽດນາມຜະລິດ, ສາມາດແທນທີ່ສິນຄ້ານຳເຂົ້າຈາກຕ່າງປະເທດ.