ພິທີສະເໜີຕົວຄະນະຈັດຕັ້ງຮ່ວມງານບຸນວັດທະນະທຳໂລກນະຄອນ ໂຮ່ຈີມິນ -Gyeongju 2017
|
(vovworld) – ຕອນບ່າຍວັນທີ 21/2, ຄະນະກຳມະການປະຊາຊົນນະຄອນ ໂຮ່ຈີມິນ ແລະ ອຳນາດການປົກຄອງແຂວງ Gyeongsanbuk – Do- (ສ. ເກົາຫຼີ), ໄດ້ຈັດຕັ້ງພິທີສະເໜີຕົວຄະນະຈັດຕັ້ງຮ່ວມງານບຸນວັດທະນະທຳໂລກ ນະຄອນ ໂຮ່ຈີມິນ - Gyeongju 2017. ນີ້ແມ່ນເຫດການສຳຄັນເພື່ອສະເຫຼີມສະຫຼອງ 25 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ສ. ເກົາຫຼີ. ນີ້ກໍ່ແມ່ນໂອກາດເພື່ອໃຫ້ນະຄອນ ໂຮ່ຈີມິນ ແນະນຳພາບພົດຂອງນະຄອນສີວິໄລ, ທັນສະໄໝ, ນ້ຳໃຈອົບອຸ່ນເຖິງເພື່ອນມິດສາກົນ, ພ້ອມກັນນັ້ນ, ຜ່ານງານບຸນດັ່ງກ່າວ, ປະຊາຊົນ ຫວຽດນາມ ຈະຮູ້ຈັກເຖິງປະຫວັດສາດວັດທະນະທຳນັບພັນປີຂອງດິນແດນ Gyeongju. ກ່າວຄຳເຫັນທີ່ພິທີ, ທ່ານ ຫງວຽນແທ່ງຟອງ, ປະທານຄະນະກຳມະການປະຊາຊົນນະຄອນ ໂຮ່ຈີມິນ, ຢັ້ງຢືນວ່າ: ການນຳນະຄອນຈະສ້າງທຸກໆເງື່ອນໄຂເພື່ອຈັດຕັ້ງງານບຸນໃນປີນີ້ໃຫ້ປະສົບຜົນສຳເລັດ, ຜ່ານນັ້ນ, ປະກອບສ່ວນເຮັດໃຫ້ການພົວພັນຄູ່ຮ່ວມມືຍຸດທະສາດລະຫວ່າງ 2 ປະເທດເລິກເຊິ່ງກ່ວາອີກ, ນຳການພົວພັນມິດຕະພາບ, ການຮ່ວມມືລະຫວ່າງ ນະຄອນໂຮ່ຈີມິນ ກັບບັນດາທ້ອງຖິ່ນຂອງ ສ. ເກົາຫຼີ ຂຶ້ນສູ່ລະດັບສູງໃໝ່.