ພິທີສະໜັບສະໜູນ ວັນຄວາມຜາສຸກສາກົນ
ທ່ານຮອງນາຍົກລັດຖະ ມົນຕີ ຫວູດຶກດາມ
ເຂົ້າຮ່ວມພິທີສະໜັບສະໜູນວັນຄວາມຜາສຸກສາກົນ
(ພາບ: langvietonline.vn)
(vovworld) - ພິທີ ສະໜັບສະໜູນວັນຄວາມຜາສຸກສາກົນດຳເນີນໃນຕອນເຊົ້າວັນທີ 20/3 ຢູ່ຮ່າໂນ້ຍ, ດ້ວຍສານທີ່ວ່າ: ”ຮັກແພງ ແລະ ແບ່ງປັນເຊິ່ງກັນ ແລະ ກັນ”. ຈຸດປະສົງຂອງການເຄື່ອນໄຫວຕ່າງໆໃນໂອກາດວັນຄວາມຜາສຸກສາກົນ ແມ່ນເພື່ອແນໃສ່ຍົກສູງຄວາມຮັບຮູ້ຂອງທຸກຂັ້ນ, ທຸກຂະແໜງການ, ອົງການຈັດຕັ້ງ, ສ່ວນບຸກຄົນ, ຄອບຄົວ ແລະ ທັງສັງຄົມ ກ່ຽວກັບການກໍ່ສ້າງຄອບຄົວ, ປະຊາຄົມທີ່ມີຄວາມຜາສຸກ. ກ່າວຄຳເຫັນທີ່ພິທີ ສະໜັບສະໜູນວັນຄວາມຜາສຸກສາກົນ, ທ່ານຮອງນາຍົກລັດຖະ ມົນຕີ ຫວູດຶກດາມ ຮຽກຮ້ອງປະຊາຄົມພ້ອມກັນແບ່ງປັນອາລົມຈິດ, ຄວາມຮັກແພງກັບຍາດຕິພີ່ນ້ອງ. ທ່ານຮອງນາຍົກລັດຖະມົນຕີ ຫວູດຶກດາມ, ເນັ້ນໜັກວ່າ:
”ເພື່ອເຮັດໃຫ້ວັນຄວາມສຸກສາກົນມີຄວາມໝາຍຢ່າງແທດຈິງ ແລະ ສູງສົ່ງ, ພວກເຮົາຈົ່ງພ້ອມກັນຮ່ວມແຮງຮ່ວມໃຈ, ຕັດສິນໃຈປະຕິບັດໜ້າທີ່ພັດທະນາເສດຖະກິດສັງຄົມຢ່າງມີໄຊ, ຍູ້ແຮງການລົບລ້າງຄວາມອຶກຫີວ ຫຼຸດຜ່ອນຄວາມທຸກຍາກ, ໃນນັ້ນເອົາໃຈໃສ່ເຖິງເຂດຊົນເຜົ່າສ່ວນໜ້ອຍ, ທີ່ຍັງປະສົບກັບຄວາມຫຍຸ້ງຍາກຫຼາຍຢ່າງ…ຈົ່ງພ້ອມກັນສືບທອດ ແລະ ເສີມຂະຫຍາຍມູນເຊື້ອອັນດີງາມຂອງຊາດ, ປະຊາຊົນໃນປະເທດດຽວຕ້ອງມີຄວາມຮັກແພງຊ່ວຍເຫຼືອເຊິ່ງກັນ ແລະ ກັນ”.