( vovworld ) – ຕອນຄ່ຳວັນທີ 15/4, ໄດ້ຈັດພິທິອັດງານບຸນ Festival Hue 2012 ຢູ່ແຂວງ Thua Thien Hue. ພາຍຫຼັງໄດ້ດຳເນີນການເຄື່ອນໄຫວຕ່າງໆມາເປັນເວລາ 9 ວັນ, ດ້ວຍຫົວຂໍ້ທີ່ວ່າ: “ມໍລະດົກວັດທະນະທຳ ກັບການເຊື່ອມໂຍງ ແລະ ພັດທະນາ, ຈຸດນັດພົບຂອງບັນດານະຄອນແຫ່ງປະຫວັດສາດ“ ນັ້ນ, Festival Hue 2012 ໄດ້ກາຍເປັນງານບຸນວັດທະນະທຳ-ການທ່ອງທ່ຽວສາກົນ, ແມ່ນເຫດການວັດທະນະທຳສິລະປະດີເດັ່ນ, ທີ່ເຂັ້ມຕຄົ້ນໄປດ້ວຍສີສັນວັດທະນະທຳຫວຽດນາມ. Festival Hue 2012 ມີການເຂົ້າຮ່ວມຂອງກ່ວາ 65 ຄະນະສິລະປະກອນທີ່ມາຈາກ 28 ປະເທດ, ເຂດແຄ້ວນຂອງ 5 ທະວີບ ແລະ ບັນດາເຂດພາກຂອງ ຫວຽດນາມ. ນັກສິລະປິນ, ນັກສະແດງກ່ວາ 3000 ຄົນໄດ້ສະແດງບັນດາລາຍການສິລະປະພິເສດທີ່ເປັນເອກະລັກສະເພາະ, ດູດດືມໃຈ ທີ່ມີຫຼາຍຮູບຫຼາຍສີ, ບັນດາງານບຸນວັດທະນະທຳທີ່ສ້າງຄວາມປະທັບໃຈ, ດູດດືມໃຈຜູ້ຊົມ. ກ່າວຄຳເຫັນທີ່ພິທີອັດງານບຸນ Festival Hue 2012, ທ່ານ Ngo Hoa ຮອງປະທານຜູ້ປະຈຳການຄະນະກຳມະການປະຊາຊົນແຂວງ Thua Thien Hue, ຫົວໜ້າຄະນະຈັດຕັ້ງງານບຸນ Festival Hue 2012 ເນັ້ນໜັກວ່າ: Festival Hue 2012 ໄດ້ປະສົບຜົນສຳເລັດຢ່າງຈົບງາມ:
“ການສະແດງຂອງບັນດາຄະນະສິລະປະກອນ ລ້ວນແຕ່ໄດ້ເຊີດຊູບັນດາຄຸນຄ່າວັດທະນະທຳທີ່ເປັນມູນເຊື້ອ… ສະແດງໃຫ້ເຫັນນນ້ຳໃຈແຫ່ງການພົບປະແລກປ່ຽນ, ສາມັກຄີ, ເຊື່ອມໂຍງ ແລະ ພັດທະນາ, ນຳມາເຊີ່ງໂສມໜ້າໃໝ່, ພະລັງຊີວິດໃໝ່ໃຫ້ແກ່ນະຄອນ Hue. Festival ຄັ້ງນີ້ໄດ້ຮັບການຕີລາຄາວ່າ ແມ່ນ Festival ທີ່ເປັນມູນເຊື້ອ, ທັນສະໄໝ, ປະທັບໃຈ, ປອດໄພ ແລະ ເຕັມໄປດ້ວຍລັກສະນະວັດທະນະທຳມະນຸດ“
ສະແດງສິລະປະທີ່ພິທິອັດ Festival Hue 2012
(ພາບ:vnexpress.net)
Festival Hue 2012 ໄດ້ດຶງດູດການເຂົ້າຮ່ວມຂອງກ່ວາ 2 ລ້ານເທື່ອຄົນ, ໃນນັ້ນມີ 180.000 ຄົນພັກເຊົາຢູ່ໂຮງແຮມ, ເຮືອກພັກ ດ້ວຍແຂກຕ່າງປະເທດ 80.000 ຄົນ, ເພີ່ມຂື້ນເກືອບ 63% ເມື່ອທຽບກັບໄລຍະດຽວກັນຂອງປີ 2011. ຕີລາຄາກ່ຽວກັບງານບຸນ Festival ຄັ້ງນີ້, ທ່ານ Jorge Rodon Uzcategui ເອກອັກຄະລັດຖະທູດ Venezuela ປະຈຳ ຫວຽດນາມ ຖືວ່າ:
“ຂ້າພະເຈົ້າມີຄວາມພາກພູມໃຈທີ່ສຸດ ຍ້ອນວ່ານີ້ແມ່ນເທື່ອທຳອິດທີ່ຂ້າພະເຈົ້າກໍຄືຄະນະສິລະປະກອນຂອງປະເທດຂ້າພະເຈົ້າໄດ້ເຂົ້າຮ່ວມງານບຸນ Festival ຢູ່ຫວຽດນາມ. ພວກຂ້າພະເຈົ້າລ້ວນແຕ່ແມ່ນເພື່ອນມິດຂອງ ຫວຽດນາມ ແລະ ຖືວ່າ ແມ່ນສະມາຊິກໃນຄອບຄົວດຽວກັນ“.