(VOVWORLD) -ຕອນຄ່ຳວັນທີ 27 ມິຖຸນາ, ຢູ່ແຂວງດົງທາບ, ງານມະໂຫລານກະຈາຍສຽງທົ່ວປະເທດຄັ້ງທີ XIV – 2020 ດ້ວຍຫົວຂໍ້ “ກະຈາຍສຽງ - ປ່ຽນແປງໃໝ່ ແລະ ມີຫຼາຍຮູບແບບ”, ໂດຍວິທະຍຸກະຈາຍສຽງຫວຽດນາມ ສົມທົບກັບຄະນະກຳມະການປະຊາຊົນແຂວງດົງທາບຈັດຕັ້ງຂຶ້ນໄດ້ອັດລົງ.
 ພິທີອັດງານມະໂຫລານກະຈາຍສຽງທົ່ວປະເທດຄັ້ງທີ XIV |
ເຂົ້າຮ່ວມພິທີອັດມີທ່ານນາງ ດັ້ງທິງອກທິ້ງ ຮອງປະທານປະເທດຫວຽດນາມ, ການນຳວິທະຍຸກະຈາຍສຽງຫວຽດນາມ, ການນຳບັນດາກະຊວງ, ຂະແໜງການສູນກາງ, ບັນດາແຂວງ, ນະຄອນ ພ້ອມກັບຖັນແຖວພະນັກງານ, ບັນນາທິການ, ນັກເຕັກນິກ ຂອງບັນດາສະຖານີວິທະຍຸກະຈາຍສຽງ - ໂທລະພາບຕ່າງໆໃນທົ່ວປະເທດ.
ງານມະໂຫລານກະຈາຍສຽງປີ 2020 ມີຫົວຂໍ້ “ກະຈາຍສຽງ - ປ່ຽນແປງໃໝ່ ແລະ ມີຫຼາຍຮູບແບບ” ຕິດພັນກັບວັນກະຈາຍສຽງໂລກປີນີ້ມີການປ່ຽນແປງໃໝ່, ມີຫຼາຍຮູບແບບກ່ຽວກັບຫົວຂໍ້, ເປົ້າໝາຍທ່ານຜູ້ຟັງ, ບັນດາລາຍການກະຈາຍສຽງຊະນິດຕ່າງໆ ແລະ ນັບທັງແຫຼ່ງຂໍ້ມູນຂ່າວສານເພື່ອແນໃສ່ພັດທະນາຂະແໜງກະຈາຍສຽງຢ່າງຮອບດ້ານໃນສະໄໝໃໝ່…
ຄະນະຈັດຕັ້ງໄດ້ມອບທຸງໃຫ້ແກ່ສະຖານີວິທະຍຸກະຈາຍສຽງປະຊາຊົນນະຄອນໂຮ່ຈີມິນ - ຫົວໜ່ວຍເຈົ້າພາບຈັດຕັ້ງງານມະໂຫລານກະຈາຍສຽງທົ່ວປະເທດຄັ້ງທີ XV ໃນປີ 2022.