(vovworld) - ຕອນຄຳ່ວັນທີ 15/11, ຢູ່ຮ່າໂນ້ຍ, ຄະນະກຳມະການຮັບປະກັນຄວາມປອດໄພໃນການຄົມມະນາຄົມແຫ່ງຊາດ ໄດ້ຈັດ ພິທີອາໄລຫາຜູ້ປະສົບເຄາະຮ້າຍຈາກການຄົມມະນາຄົມ2015 ດ້ວຍສານທີ່ວ່າ “ອາໄລຫາຜູ້ທີ່ໄດ້ເສຍຊີວິດ - ເພື່ອຄົນຍັງມີຊີວິດຢູ່”. ນີ້ແມ່ນໜຶ່ງໃນບັນດາການເຄື່ອນໄຫວເພື່ອຕອບສະໜອງ “ວັນທົ່ວໂລກອາໄລຫາຜູ້ປະສົບເຄາະຮ້າຍຈາກການຄົມມະນາຄົມ“ ໃນປີ 2015. ກ່າວຄວາມເຫັນທີ່ພິທີ, ທ່ານຮອງນາຍົກລັດຖະມົນຕີ ຫງວຽນຊວນຟຸກ, ປະທານຄະນະກຳມະການຮັບປະກັນຄວາມປອດໄພໃນການຄົມມະນາຄົມແຫ່ງຊາດ, ຮຽກຮ້ອງປະຊາຄົມຈົ່ງມີຄວາມຮັບຜິດຊອບຕໍ່ຕົນເອງ, ຕໍ່ສັງຄົມເມື່ອເຂົ້າຮ່ວມການຄົມມະນາຄົມກວ່າອີກ.
“ຈົ່ງສະແດງຄວາມອີດູຕໍ່ບັນດາຜູ້ປະສົບເຄາະຮ້າຍຈາກການຄົມມະນາຄົມດ້ວຍການກະທຳລະອຽດຕ່າງໆ, ຕື່ນຕົວປະຕິບັດບັນດາຂໍ້ກຳນົດຂອງກົດໝາຍກ່ຽວກັບຄວາມປອດໄພໃນການຄົມມະນາຄົມ. ພ້ອມກັນປະຕິບັດບັນດາການກະທຳນີ້ເປັນຢ່າງດີ ແມ່ນສະແດງໃຫ້ເຫັນອາລົມຈິດ, ຄວາມເສຍດາຍຢ່າງຈິງໃຈທີ່ມີຕໍ່ຜູ້ປະສົບເຄາະຮ້າຍ, ເພື່ອສ້າງສະພາບແວດລ້ອມແຫ່ງການຄົມມະນາຄົມຢູ່ຫວຽດນາມຢ່າງປອດໄພ, ປົກປ້ອງຊີວິດຂອງຕົນເອງ, ຄອບຄົວ, ເພື່ອນມິດ ແລະ ປະຊາຊົນຂອງຕົນ. ເພື່ອຄວາມຜາສຸກຂອງທຸກຄົນ ແລະ ເພື່ອການພັດທະນາຢ່າງໝັ້ນຄົງຂອງປະເທດຊາດ“
ບັນດາຜູ້ແທນເຂົ້າຮ່ວມພິທີ ໄດ້ສະຫງວນເວລາ 1 ນາທີ ເພື່ອກົ້ມຫົວໄວ້ອາໄລຫາຜູ້ປະສົບເຄາະຮ້າຍຈາກການຄົມມະນາຄົມ.