ການຊ່ວງເຮືອທີ່ງານບຸນ
(ພາບ: Mạnh Minh- TTXVN)
(vovworld) – ວັນທີ 9/9, ຢູ່ເຂດປູຊະນີຍະສະຖານ ກົນເຊີນ - ກຽບບາກ, ເທດສະບານ ຈີ໋ລິງ, ຄະນະຈັດຕັ້ງພິທີງານບຸນລະດູໃບໄມ້ຫຼົ່ນ ກົນເຊີນ - ກຽບບາກ ປີ 2014 ແຂວງ ຫາຍເຢືອງ ໄດ້ຈັດຕັ້ງ ພິທີອາໄລຫາວັນເຖິງແກ່ມໍລະນະກຳຂອງວິລະຊົນແຫ່ງຊາດ, ນັກວັດທະນະທຳໂລກ ຫງວຽນຈ້າຍ ຄົບຮອບ 572 ປີ ແລະ ພິທີຫຼໍ່ຮູບ ອໍລະຫັນ ຫງວຽນຈ້າຍ. ທີ່ພິທີອາໄລຫາ, ທ່ານຮອງປະທານແຂວງຫາຍເຢືອງ ຫງວຽນວັນເກວ໋ ໄດ້ທົບທວນຄືນຊີວິດ ແລະ ພາລະກິດຂອງຫງວຽນຈ້າຍ, ເຊິ່ງແມ່ນວິນຍານຂອງການຕໍ່ຕ້ານຕ້ານເສິກໝິງ ໃນສະຕະວັດທີ 15. ປີ 1428, ເລເລີ້ຍຂື້ນຄອງລາດ, ຫງວຽນຈ້າຍໄດ້ຂຽນ “ບິ່ງໂງດ້າຍກ໋າວ“ ໝາຍເຖິງບົດຖະແຫຼງປະກາດເອກະລາດທຳອິດຂອງຊາດຫວຽດນາມ. ໃນສະໄໝລາດຊະວົງເລ, ຫງວຽນຈ້າຍ ແມ່ນຜູ້ທີ່ມີຄຸນງານຄວາມດີອັນໃຫຍ່ຫຼວງໃນການສ້າງພື້ນຖານເສດຖະກິດ - ສັງຄົມ, ຄວາມປອງດອງລະຫວ່າງ “ປະເທດ ແລະ ປະຊາຊົນ“. ທ່ານຍັງແມ່ນນັກວັດທະນະທຳ, ນັກວິທະຍາສາດ, ດ້ວຍຫຼາຍກິດຈະກຳທີ່ໄດ້ປະໄວ້ໃຫ້ ລຸ້ນຫຼັງ.