ພິທີເຄື່ອນພົນປີປອດໄພຄົມມະນາຄົມ2017
ພິທີເຄື່ອນພົນປີປອດໄພຄົມມະນາຄົມ 2017
(ພາບ: TTXVN)
(vovworld) – ຕອນເຊົ້າວັນທີ 04/01 ຢູ່ສະໜາມຫລວງການປະຕິວັດເດືອນສິງຫາ, ຄະນະກຳມະການຄວາມປອດໄພຄົມມະນາຄົມແຫ່ງຊາດໄດ້ສົມທົບກັບຄະນະກຳມະການປະຊາຊົນນະຄອນ ຮ່າໂນ້ຍ ຈັດຕັ້ງພິທີເຄື່ອນພົນປີປອດໄພຄົມມະນາຄົມ 2017 ແລະ ຈຸດສູງຮັບປະກັນຄວາມເປັນລະບຽບຮຽບຮ້ອຍ, ຄວາມປອດໄພຄົມມະນາຄົມໃນໂອກາດບຸນເຕັດປະຈຳຊາດປີລະກາ 2017. ປີປອດໄພຄົມມະນາຄົມ 2017 ມີຫົວຂໍ້ວ່າ “ສ້າງວັດທະນະທຳຄົມມະນາຄົມໃນຊາວໜຸ່ມ, ເຍົາວະຊົນ”, ດ້ວຍຈຸດໝາຍຍົກສູງຄວາມຮັບຮູ້ ແລະ ສະຕິຕື່ນຕົວເຄົາລົບກົດໝາຍຂອງຜູ້ເຂົ້າຮ່ວມການສັນຈອນ, ສ້າງວັດທະນະທຳຄົມມະນາຄົມໃຫ້ມີຄວາມປອດໄພໃນໝູ່ປະຊາຊົນທຸກຊັ້ນວັນນະ, ພິເສດແມ່ນຊາວໜຸ່ມ, ເຍົາວະຊົນ. ທີ່ພິທີປຸກລະດົມ, ທ່ານຮອງນາຍົດລັດຖະມົນຕີ ຫວຽດນາມ ເຈືອງຮ່ວາບີງ ໃຫ້ຮູ້ວ່າ: ໃນຊຸມປີຜ່ານມາ, ພາຍໃຕ້ການຊີ້ນຳນຳພາຂອງພັກ ແລະ ການແກ້ໄຂຢ່າງຂ້ຽວຂາດ ເພື່ອຮັບປະກັນໃຫ້ປະຊາຊົນໄດ້ສັນຈອນໄປ-ມາຢ່າງປອດໄພ, ສະດວກໃນໂອກາດບຸນເຕັດ, ທ່ານຮອງນາຍົກລັດຖະມົນຕີຮຽກຮ້ອງບັນດາກະຊວງ, ຂະແໜງການ, ຄະນະກຳມະການປະຊາຊົນບັນດາທ້ອງຖິ່ນຜັນຂະຫຍາຍການປະຕິບັດຄຳສັ່ງຂອງ ທ່ານນາຍົກລັດຖະມົນຕີຢ່າງເຂັ້ມງວດ ກ່ຽວກັບການຮັບປະກັນຄວາມເປັນລະບຽບຮຽບຮ້ອຍ, ຄວາມປອດໄພທາງຄົມມະນາຄົມໃນໂອກາດບຸນເຕັດປະຈຳຊາດປີລະກາ ແລະ ງານບຸນ 2017 ຕ່າງໆ, ພິເສດແມ່ນຮັບປະກັນຄຸນນະພາບການບໍລິການຂົນສົ່ງແຂກ; ຕ້ານສະພາບລົດຕິດ ແລະ ກວດກາ, ແກ້ໄຂບັນດາການກະທຳລະເມີດຄວາມເປັນລະບຽບຮຽບຮ້ອຍຄົມມະນາຄົມຢ່າງເຂັ້ມງວດ.