(VOVWORLD) - ຕອນເຊົ້າວັນທີ 24 ກັນຍາ, ຢູ່ເຂດຖານທີ່ໝັ້ນສະໜາມບິນທະຫານ ກອງພົນ 371 (ກອງທັບປ້ອງກັນອາກາດ), ສະໜາມບິນໂນ້ຍບ່າຍ, ກະຊວງປ້ອງກັນປະເທດ ໄດ້ຈັດພິທີເຄືອນພົນເດີນທາງປະຕິບັດໜ້າທີ່ຮັກສາສັນຕິພາບ ສປຊ.
 ທ່ານນາງ ຫວໍທິແອັງຊວັນ ຮອງປະທານປະເທດ ຫວຽດນາມ ກ່າວຄຳເຫັນທີ່ພິທີ (ພາບ: VOV) |
ທີ່ພິທີ, ທ່ານນາງ ຫວໍທິແອັງຊວັນ ຮອງປະທານປະເທດ ໄດ້ມອບທຸງຊາດໃຫ້ແກ່ຜູ້ຕາງໜ້າກອງທະຫານຊ່າງແສງເລກ 3 ແລະ ໂຮງໝໍກາງສະໜອມຂັ້ນ 2 ເລກ 6 ກ່ອນທີ່ຈະເດີນທາງໄປປະຕິບັດງານ. ທ່ານນາງຮອງປະທານປະເທດ ເນັ້ນໜັກວ່າ ໃນໄລຍະກ່ວາ 10 ປີຜ່ານມາ, ຫວຽດນາມ ໄດ້ຈັດສົ່ງນາຍທະຫານ, ນາຍຕຳຫຼວດ, ນັກຮົບເກືອບ 900 ຄົນ ໃນນັ້ນມີນາຍຕຳຫຼວດ 13 ຄົນ ເຂົ້າຮ່ວມການເຄື່ອນໄຫວຮັກສາສັນຕິພາບ ຢູ່ສປຊ. ທ່ານນາງ ຫວໍທິແອັງຊວັນ ຊີ້ແຈ້ງວາ ບັນດານັກຮົບ ເຂົ້າຮ່ວມການປະຕິບັດໜ້າທີ່ຮັກສາສັນຕິພາບ ແມ່ນທູດສັນຕິພາບ ຢູ່ສປຊ, ປະກອບສ່ວນສ້າງພາບພົດຂອງປະເທດຊາດ ແລະ ຊາວຫວຽດນາມໃນໝູ່ເພື່ອນມິດສາກົນ.
ໂດຍສືບທອດບັນດາໝາກຜົນທີ່ບັນລຸໄດ້, ຂ້າພະເຈົ້າເຊື່ອໝັ້ນຢ່າງແນວແນ່ວ່າ ບັນດາກົມກອງຫາກໍ່ໄດ້ຮັບການຈັດສົ່ງໄປປະຕິບັດງານຢູ່ຄະນະປະຕິບັດງານຂອງ ສປຊ ຈະສືບຕໍ່ເສີມຂະຫຍາຍມູນເຊື້ອສາມັກຄີຂອງຊາດ ແລະ ຈິດໃຈສາມັກຄີສາກົນ… ສູ້ຊົນປະຕິບັດບັນດາໜ້າທີ່ອັນສູງສົ່ງເຊິ່ງພັກ, ລັດ, ກອງທັບ ແລະ ປະຊາຊົນຫວຽດນາມ ມອບໝາຍໃຫ້ເປັນຢ່າງດີ, ຕອບສະໜອງຄວາມຮຽກຮ້ອງຕ້ອງການນັບມື້ນັບສູງຂຶ້ນຂອງ ສປຊໃນສະພາບການໃໝ່.