(vovworld) – ຕອນເຊົ້າວັນທີ 29/6, ຢູ່ຮ່າໂນ້ຍ, ໄດ້ດຳເນີນພິທີເຊີດຊູ “ເພື່ອພາລະກິດລົບລ້າງຄວາມອຶດຫີວ, ຫຼຸດຜ່ອນຄວາມທຸກຍາກ“ ແລະ “ແບບຢ່າງຫຼຸດພົ້ນອອກຈາກຄວາມທຸກຍາກ“.ເຂົ້າຮ່ວມມີທ່ານປະທານປະເທດ ເຈືອງເຕິ໋ນຊາງ, ທ່ານຮອງນາຍົກລັດຖະມົນຕີ ຫວູວັນນິງ, ຫົວໜ້າຄະນະຊີ້ນຳສູນກາງກ່ຽວກັບການຫຼຸດຜ່ອນຄວາມທຸກຍາກຢ່າງໝັ້ນຄົງ ໄລຍະ 2011-2020. ພິທີຖືກຈັດຂຶ້ນເພື່ອຫວນຄືນ 10 ປີ ແຫ່ງວັນຫວຽດນາມ ປະຕິບັດ “ຍຸດທະສາດຮອບດ້ານກ່ຽວກັບການເຕີບໂຕ ແລະ ລົບລ້າງຄວາມອຶດຫີວ ຫຼຸດຜ່ອນຄວາມທຸກຍາກ“. ໃນ 10 ປີຜ່ານມາ, ລັດຖະບານໄດ້ປະກາດໃຊ້ມະຕິ, ຄຳສັ່ງ, ຍຸດທະສາດ ແລະ ນະໂຍບາຍທີ່ສຳຄັນຫຼາຍສະບັບ ກ່ຽວກັບວຽກງານລົບລ້າງຄວາມອຶດຫີວ ຫຼຸດຜ່ອນຄວາມທຸກຍາກ ຢ່າງທັນການ, ເໝາະສົມກັບແຕ່ລະໄລຍະແຫ່ງການພັດທະນາຂອງປະເທດຊາດ. ກ່າວຄວາມເຫັນນະພິທີ. ຮອງສາສະດາຈານ - ດຣ. ຫວູວັນຟຸກ, ບັນນາທິການໃຫຍ່ວາລະສານກອມມູນິດ, ຖືວ່າ:
“ເພື່ອເຮັດໃຫ້ປະເທດຊາດກ້າວຂຶ້ນຢ່າງໝັ້ນຄົງບົນເສັ້ນທາງສັງຄົມນິຍົມ, ເພື່ອປະຊາຊົນຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ, ສີວິໄລນັ້ນ, ມັນໄດ້ຮຽກຮ້ອງໃຫ້ພວກເຮົາຕ້ອງສືບຕໍ່ຍືດໝັ້ນພາລະກິດລົບລ້າງຄວາມອຶດຫີວ ຫຼຸດຜ່ອນຄວາມທຸກຍາກກວ່າອີກ, ດ້ວຍຄວາມມານະພະຍາຍາມຢ່າງແຂງແຮງ, ຄົບຊຸດ ແລະ ມີປະສິດທິຜົນກວ່າອີກ. ພິທີເຊີດຊູມື້ນີ້ ທັງເປັນການຮັບຮູ້, ແລະ ປຸກລະດົມກຳລັງໃຈທົ່ວປວງຊົນທັງຊາດ ເພື່ອຕັດສິນໃຈ, ມານະພະຍາຍາມຜ່ານຜ່າຄວາມທຸກຍາກອຶກຫີວ“.