(vovworld) – ຕອນເຊົ້າວັນທີ 19/8, ຢູ່ ຮ່າໂນ້ຍ, ເປັນຄັ້ງທຳອິດສູນກາງສະພາກາແດງ ຫວຽດນາມ ໄດ້ເປີດຊຸດອົບຮົມໃຫ້ບັນດາການນຳອົງການກາແດງ ສປປ ລາວ. ຊຸດຮຽນນີ້ລວມມີສະມາຊິກ 20 ຄົນ, ເຊິ່ງແມ່ນບັນດາພະນັກງານຂອງອົງການກາແດງຢູ່ແຂວງຕ່າງໆຂອງປະເທດລາວ. ກ່າວຄຳເຫັນໄຂຊຸດຝຶກອົບຮົມນີ້, ທ່ານ ຫງວຽນຫາຍເດື່ອງ, ປະທານສະພາກາແດງ ຫວຽດນາມ, ໃຫ້ຮູ້ວ່າ:
“ໃນເວລາເຮັດວຽກມາເປັນເວລາ 20 ວັນຢູ່ ຫວຽດນາມ, ຊຸດຮຽນນີ້ຈະດຳເນີນ 2 ວຽກງານ. ທີ່ໜຶ່ງແມ່ນພວກເຮົາໄດ້ແລກປ່ຽນບົດຮຽນ ແລະ ຝຶກອົບຮົບດ້ານວິຊາສະເພາະກ່ຽວກັບວຽກງານມະນຸດສະທຳ. ທີ່ສອງແມ່ນຈະດຳເນີນການເຊັນຂໍ້ຕົກລົງຈຳນວນໜຶ່ງກ່ຽວກັບການເຄື່ອນໄຫວມະນຸດສະທຳ ກັບທຸກໆແຂວງມີຊາຍແດນຮ່ວມກັນ.”
![ພິທີເປີດຊຸດອົບຮົມໃຫ້ພະນັກງານອົງການກາແດງສປປ.ລາວ - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2014_08_19/10612597_346852748802553_2515152129334191287_n.jpg)
ຄະນະພະນັກງານອົງການກາແດງ ລາວ ເຂົ້າຮ່ວມຊຸກຝຶກອົບຮົມ
ນອກຈາກບັນດາການສຶກສາຮຳ່ຮຽນ, ການແລກປ່ຽນບົດຮຽນໃນຫ້ອງຮຽນໂດຍບັນດາກຳມະການ, ຫົວໜ້າຄະນະ, ຫົວໜ່ວຍຕ່າງໆຂອງສູນກາງສະພາກາແດງ ສອນໂດຍກົງນັ້ນ, ບັນດາຜູ້ເຂົ້າຮ່ວມຊຸດຝຶກອົບຮົມນີ້ຈະໄດ້ໄປທັດສະນະສຶກສາບັນດາຮູບແບບເຄື່ອນໄຫວມະນຸດສະທຳແບບຢ່າງຢູ່ບັນດາແຂວງ, ນະຄອນຕ່າງໆທາງພາກໃຕ້ຫວຽດນາມ ອີກດ້ວຍ. ໂດຍຕາງໜ້າໃຫ້ຄະນະນັກສຳມະນາກອນລາວ ທ່ານ ດຣ ກາວີພອນ ສຸດທິ, ຫົວໜ້າກອງໂຄສະນາຂ່າວສານ - ຂົນຂວາຍການກຸສົນ, ອົງການກາແດງລາວ, ກ່າວວ່າ:
ເທບສຽງທ່ານ ກາວີພອນ ສຸດທິ