(vovworld) – ຕອນເຊົ້າວັນທີ 3/9, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ເຂົ້າຮ່ວມພິທີເປີດສົກຮຽນໃໝ່ ຢູ່ໂຮງຮຽນມັດທະຍົມຕອນປາຍລົງເລິກວິຊາ ທ໋າຍບິ່ງ. ທ່ານຮອງນາຍົກລັດຖະມົນຕີ ຮ່ວາງຈູງຫາຍ ໄດ້ຕີກອງໄຂສົກຮຽນໃໝ່. ພ້ອມທັງມອບໜ້າທີ່ໃຫ້ຄູອາຈານ ແລະ ນັກຮຽນໃນສົກຮຽນໃໝ່ “ປະຕິບັດປ່ຽນໃໝ່ການສຶກສາ - ບຳລຸງໂດຍພື້ນຖານ ແລະ ຮອບດ້ານ”.
ກໍ່ໃນວັນດຽວກັນ, ທ່ານຮອງປະທານສະພາແຫ່ງຊາດ ອວງຈູລືວ ແລະ ທ່ານຮອງລັດຖະມົນຕີກະຊວງສຶກສາ ແລະ ບຳລຸງສ້າງ ຫງວຽນວີງຫຽນ ໄດ້ເຂົ້າຮ່ວມພິທີໄຂສົກຮຽນໃໝ່ຂອງໂຮງຮຽນມັດທະຍົມຕອນປາຍລົງເລິກວິຊາ ບັກກ້ານ. ທ່ານຮອງປະທານສະພາແຫ່ງຊາດ ອວງຈູລືວ ຕີລາຄາສູງຜົນງານແຫ່ງການສຸ້ຊົນ, ຄວາມມານະພະຍາຍາມຂອງຄູອາຈານ, ນັກຮຽນຂອງໂຮງຮຽນມັດທະຍົມຕອນປາຍລົງເລິກວິຊາ ບັກກ້ານ ແລະ ເນັ້ນໜັກວ່າ: ໂຮງຮຽນຄວນສືບຕໍ່ເສີມຂະຫຍາຍ, ຍົກສູງຄຸນນະພາບການສຶກສາ, ຕັ້ງໜ້າປ່ຽນໃໝ່ວິທີສິດສອນ, ເອົາໃຈໃສ່ຍົກສູງຄວາມສາມາດດ້ານພາສາຕ່າງປະເທດ, ກອມພິວເຕີ...
ທີ່ແຂວງ ຕ່ຽນຢາງ, ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ໄດ້ເຂົ້າຮ່ວມ ແລະ ຕີກອງໄຂສົກຮຽນໃໝ່ຢູ່ໂຮງຮຽນມັດທະຍົມຕອນປາຍລົງເລິກວິຊາ ຕ່ຽນຢາງ. ກ່າວຄຳເຫັນນະທີ່ນີ້, ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ຮຽກຮ້ອງໃຫ້ຂະແໜງສຶກສາ ແລະ ບຳລຸງສ້າງແຂວງ ຕ່ຽນຢາງ ເວົ້າລວມ, ໂຮງຮຽນມັດທະຍົມຕອນປາຍລົງເລິກວິຊາ ຕ່ຽນຢາງ ເວົ້າສະເພາະ, ມີແຜນການລະອຽດດ້ວຍບັນດາມາດຕະການສາມາດເປັນໄປໄດ້ເພື່ອຈັດຕັ້ງການປະຕິບັດບັນດາການຂົນຂວາຍ ແລະ ຂະບວນການແຂ່ງຂັນສອນດີ ແລະ ຮຽນເກັ່ງເປັນຢ່າງດີ ແລະ ມີປະສິດທິຜົນ.
ໃນຂະນະນັ້ນ, ກ່າວຄຳເຫັນທີ່ພິທີໄຂສົກຮຽນໃໝ່ຢູ່ໂຮງຮຽນມັດທະຍົມຕອນປາຍ ຫງວຽນທິມິງຄາຍ, ນະຄອນ ໂຮ່ຈີມິນ, ທ່ານ ເລແທງຫາຍ, ເລຂາຄະນະພັກນະຄອນ ໂຮ່ຈີມິນ ເນັ້ນໜັກວ່າ:
“ສືບຕໍ່ຍູ້ແຮງເລື່ອງປະຕິບັດການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານ ໂຮ່ຈີມິນ ຢ່າງມີປະສິດທິຜົນ ແລະ ມີຫົວຄິດປະດິດສ້າງ. ສືບຕໍ່ປ່ຽນໃໝ່ບັນດາປັດໄຈພື້ນຖານຂອງການສຶກສາ ແລະ ບຳລຸງສ້າງຢ່າງແຮງ ແລະ ຄົບຊຸດ. ປັບປຸງລະບົບສຶກສາຂອງນະຄອນຕາມທິດລະບົບສຶກສາເປີດ, ສ້າງສັງຄົມແຫ່ງການຮຳ່ຮຽນ. ພັດທະນາຖັນແຖວຄູອາຈານ ແລະ ພະນັກງານຄຸ້ມຄອງການສຶກສາຂອງນະຄອນພວກເຮົາ. ປ່ຽນໃໝ່ນະໂຍບາຍ ແລະ ກົນໄກການເງິນ. ສືບຕໍ່ເປີດກ້ວາງການຮ່ວມມືສາກົນ ແລະ ພັດທະນາການສຶກສາບຳລຸງສ້າງ.”