(ພາບປະກອບ)
(vovworld) - ວັນທີ 2/12, ຢູ່ວາລະປະຊຸມຄະນະກຳມະການລະຫວ່າງລັດຖະບານ ກ່ຽວກັບການປົກປັກຮັກສາມໍລະດົກວັດທະນະທຳບໍ່ມີຮູບຮ່າງຄັ້ງທີ 10 ຂອງ UNESCO ເຊິ່ງດຳເນີນຢູ່ປະເທດ ນາມີເບຍ, UNESCO ໄດ້ຈັດ ພິທີ ແລະ ການຫຼິ້ນດຶງເຊືອກຢູ່ຫວຽດນາມ, ກຳປູເຈຍ, ສເກົາຫຼີ, ຟີລິບປິນເຂົ້າໃນບັນຊີລາຍຊື່ມໍລະດົກວັດທະນະທຳທີ່ເປັນຕົວແທນຂອງມວນມະນຸດຢ່າງເປັນທາງການ. ຮອງສາສະດາຈານ, ດຣ ຫງວຽນວັນຮູຍ, ກຳມະການສະພາມໍລະດົກແຫ່ງຊາດ, ຜູ້ເຂົ້າຮ່ວມການສ້າງສຳເນົາສະເໜີຕໍ່ UNESCO, ໃຫ້ຮູ້ວ່າ:
“ພວກຂ້າພະເຈົ້າຖືວ່າ, ການດຶງເຊືອກບໍ່ພຽງແຕ່ມີຢູ່ຫວຽດນາມເທົ່ານັ້ນ, ຫາກຍັງມີຢູ່ຫຼາຍປະເທດອາຊີຕາເວັນອອກອີກດ້ວຍ. ຜ່ານພິທີການດຶງເຊືອກຢູ່ປະເທດຕ່າງໆ ກໍ່ເຫັນວ່າພື້ນຖານຂອງວັດທະນະທຳອາຊີຕາເວັນອອກສ່ຽງໃຕ້ສະແດງອອກຢ່າງຈະແຈ້ງໃນຫຼາຍພິທີ, ໃນນັ້ນມີພິທີດຶງເຊືອກ. ນີ້ແມ່ນການພາວະນາຂໍໃຫ້ລະດູການປູກຝັງໄດ້ຮັບຜົນດີ, ທຸກຄົນມີສຸຂະພາບເຂັ້ມແຂງ ແລະ ມີຊີວິດສັນຕິສຸກ. ນັ້ນແມ່ນພື້ນຖານຂອງວັດທະນະທຳທີ່ມີມາແຕ່ບູຮານ“.