ພິທີໂຮມຊຸມນຸມແຫ່ງຊາດຕອບສະໜອງວັນນ້ຳໂລກປີ 2015
(ທ່ານຮອງນາຍົກລັດຖະມົນຕີ ຮ່ວາງຈຸງຫາຍ,
ກ່າວຄຳເຫັນທີ່ພິທີໂຮມຊຸມນຸມ)
(vovworld) – ຕອນເຊົ້າວັນທີ 20/03, ຢູ່ແຂວງບັກຢາງ, ກະຊວງຊັບພະຍາກອນ ແລະ ສິ່ງແວດລ້ອມ ໄດ້ສົມທົບກັບຄະນະກຳມະການປະຊາຊົນແຂວງບັກຢາງ ຈັດຕັ້ງພິທີໂຮມຊຸມນຸມແຫ່ງຊາດຕອບສະໜອງວັນນ້ຳໂລກປີ 2015. ພິທີໂຮມຊຸມນຸມໄດ້ດຶງດູດການເຂົ້າຮ່ວມຂອງປະຊາຊົນໃນບໍລິເວນແຂວງບັກຢາງນັບພັນຄົນ.
ດ້ວຍຫົວຂໍ້ “ນ້ຳແມ່ນແກ່ນສານຂອງການພັດທະນາແບບຍືນຍົງ”, ວັນນ້ຳໂລກປີ 2015 ຮຽກຮ້ອງຄວາມເອົາໃຈໃສ່ຂອງປະຊາຄົມກ່ຽວກັບສາຍສຳພັນລະຫວ່າງການພັດທະນາຢ່າງໝັ້ນຄົງ ແລະ ຊັບພະຍາກອນນ້ຳ. ຕາມການຄາດຄະເນ, ຮອດປີ 2025, ມີ 2/3 ພົນລະເມືອງໃນທົ່ວໂລກຈະຢູ່ໃນເຂດປະສົບກັບຄວາມຫຍຸ້ງຍາກດ້ານແຫຼ່ງນ້ຳ. ສະນັ້ນ, ຄວາມຮຽກຮ້ອງພັດທະນາແບບຍືນຍົງນັບມື້ນັບຮີບດ່ວນ, ຮຽກຮ້ອງຕ້ອງຖືລັກສະນະຍຸດທະສາດທົ່ວໂລກ. ກ່າວຄຳເຫັນທີ່ພິທີໂຮມຊຸມນຸມ, ທ່ານຮອງນາຍົກລັດຖະມົນຕີ ຮ່ວາງຈຸງຫາຍ, ເນັ້ນໜັກວ່າ.
“ພວກເຮົາພ້ອມກັນຮ່ວມມືເພື່ອຂຸດຄົ້ນຊັບພະຍາກອນແຫຼ່ງນ້ຳຢ່າງມີປະສິດທິຜົນ, ຫຼຸດຜ່ອນບັນດາຄວາມເສຍຫາຍຈາກນ້ຳ, ຫຼຸດຜ່ອນການກໍມົນລະຜິດສິ່ງແວດລ້ອມ, ປະກອບສ່ວນເຂົ້າໃນວິວັດທະນາການລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ຊຸກຍູ້ການພັດທະນາເສດຖະກິດ, ບັນລຸໄດ້ຈຸດໝາຍສະຫັດສະວັດ, ຮັບປະກັນຮັກສາສິ່ງແວດລ້ອມຢ່າງໝັ້ນຄົງ”.