(vovworld) - ຕອນເຊົ້າວັນທີ 18/5, ເນື່ອງໃນໂອກາດສະເຫຼີມສະຫຼອງ 123 ປີແຫ່ງວັນຄ້າຍວັນເກີດປະທານ ໂຮ່ຈີມິນ ຜູ້ຍິ່ງໃຫຍ່ (19/5/1890 – 19/52013), ຄະນະຜູ້ແທນຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ, ສະພາແຫ່ງຊາດ, ລັດຖະບານ, ຄະນະກຳມະການແນວໂຮມປະເທດຊາດ ຫວຽດນາມ ໄດ້ວາງພວງມາລາ ແລະ ເຂົ້າສຸສານໄຫວ້ອາໄລປະທານ ໂຮ່ຈີມິນ. ຄະນະຜູ້ແທນພັກ, ລັດ ເຂົ້າສຸສານໄຫວ້ອາໄລປະທານ ໂຮ່ຈີມິນລວມມີ: ທ່ານເລຂາທິການໃຫຍ່ ຫງວຽນຟູ໋ຈ້ອງ, ທ່ານນາຍົກລັດຖະມົນຕີ ຫງວຽນເຕີນຢູງ, ທ່ານປະທານສະພາແຫ່ງຊາດ ຫງວຽນຊິງຮູ່ງ, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຮິ່ງດ໋າມ, ທ່ານອະດິດເລຂາທິການໃຫຍ່ ນົງດຶກແມ້ງ, ເລຂາຟຽວ, ທ່ານອະດິດປະທານປະເທດ ເຈີນດຶກເລືອງ, ທ່ານອະດິດປະທານສະພາແຫ່ງຊາດ ຫງວຽນວັນອານ, ທ່ານອະດິດປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຟ້າມເທ໋ຢຽວດ, ບັນດາສະຫາຍກຳມະການກົມການເມືອງ, ເລຂາສູນກາງພັກ, ຮອງປະທານສະພາແຫ່ງຊາດ, ຮອງນາຍົກລັດຖະມົນຕີ, ການນຳບາງກະຊວງ, ຂະແໜງການສູນກາງ ແລະ ບັນດາສະຫາຍນັກປະຕິວັດຜູ້ອາວຸໂສກໍ່ເຂົ້າຮ່ວມພິທີ. ພວງມາລາຂອງຄະນະມີແຖວໜັງສືວ່າ: “ຮູ້ບຸນຄຸນປະທານ ໂຮ່ຈີມິນ ຜູ້ຍິ່ງໃຫຍ່ຕະຫຼອດໄປ”.
ແລະກໍ່ໃນຕອນເຊົ້າວັນດຽວກັນ, ຄະນະຜູ້ແທນກະຊວງປ້ອງກັນປະເທດ, ກະຊວງຕຳຫຼວດ, ການນຳນະຄອນຫຼວງ ຮ່າໂນ້ຍ, ຄະນະຊີ້ນຳສົມທົບການເຄື່ອນໄຫວຂອງກຸ່ມປູຊະນີຍະສະຖານ - ວັດທະນະທຳ ບາດິ່ງ ກໍ່ໄດ້ມາວາງພວງມາລາ ແລະ ເຂົ້າສຸສານໄຫວ້ອາໄລປະທານ ໂຮ່ຈີມິນ.