ພົບປະກັບຄະນະຜູ້ແທນຜູ້ມີຄຸນງາມ ຄວາມດີຕໍ່ການປະຕິວັດແຂວງກອນຕູມ
ທ່ານອວງຈູລຶວມອບຂອງຂວັນໃຫ້ຜູ້ຕາງໜ້າ
ຄະນະຜູ້ແທນຜູ້ມີຄຸນງາມຄວາມດີຕໍ່ການປະຕິວັດແຂວງກອນຕູມ
(ພາບ: bttv.org.vnbttv.org.vnbaomoi.com)
(vovworld)- ວັນທີ 17/5, ຢູ່ຮ່າໂນ້ຍ, ທີ່ການພົບປະກັບຄະນະຜູ້ແທນຜູ້ມີຄຸນງາມຄວາມດີຕໍ່ການປະຕິວັດແຂວງກອນຕູມ, ທ່ານຮອງປະທານສະພາແຫ່ງຊາດຫວຽດນາມ ອວງຈູລຶວ ຢືນຢັນວ່າ: ພັກ, ລັດ, ສະພາແຫ່ງຊາດຕີລາສູງ ແລະ ຍາມໃດກໍຈົດຈຳຄຸນງາມຄວາມດີ, ການເສຍສະຫຼະ, ການປະກອບສ່ວນອັນໃຫ່ຍຫຼວງຂອງປະຊາຊົນທົ່ວປະເທດເວົ້າລວມ ແລະ ຜູ້ມີຄຸນງາມຄວາມດີຕໍ່ການປະຕິວັດແຂວງກອນຕູມ ເວົ້າສະເພາະໃນພາລະກິດຕໍ່ສູ້ປົດປ່ອຍຊາດ ແລະ ສ້າງສາປະເທດຊາດ. ທ່ານຮອງປະທານສະພາແຫ່ງຊາດຫວຽດນາມ ອວງຈູລຶວ ໃຫ້ຮູ້ວ່າ: ຄະນະປະຈຳສະພາແຫ່ງຊາດໄດ້ປະກາດໃຊ້ລັດຖະບັນຍັດສະບັບປັບປຸງ, ເພີ່ມເຕີມບາງຂໍ້ມາດຕາຂອງລັດຖະບັນຍັດກ່ຽວກັບການບຸລິມະສິດຜູ້ມີຄຸນງາມຄວາມດີຕໍ່ການປະຕິວັດ, ໃນນັ້ນມີບັນດານະໂຍບາຍຕໍ່ຜູ້ມີຄຸນງາມຄວາມດີຕໍ່ການປະຕິວັດໄດ້ຮັບການປັບປຸງ ເພີ່ມເຕີມ. ທ່ານຮອງປະທານສະພາແຫ່ງຊາດຫວຽດນາມ ອວງຈູລຶວ ປາດຖະໜາວ່າ: ບັນດາທະຫານເສຍອົງຄະ, ນັກຮົບບາດເຈັບ, ຄອບຄົວເປົ້າໝາຍນະໂຍບາຍ, ຜູ້ມີຄຸນງາມຄວາມດີຕໍ່ການປະຕິວັດແຂວງກອນຕູມ ສືບຕໍ່ແມ່ນບັນດາແບບຢ່າງດີເດັ່ນ, ສຶກສາອົບຮົມລຸ່ນໜຸ່ມຮ່ຳຮຽນ ແລະ ປະຕິບັດຕາມ.