(ພາບປະກອບ)
(vovworld) - ມີຊາວຫວຽດນາມ ອາໄສຢູ່ຕ່າງປະເທດເກືອບ 600 ຄົນ ໄດ້ພ້ອມກັນເຂົ້າຮ່ວມລາຍການພົບປະສັງສັນກັບຊາວຫວຽດນາມ ອາໄສຢູ່ຕ່າງປະເທດກັບເມື່ອຕ້ອນຮັບບຸນປີໃໝ່ ປີມະເສງ 2013, ດ້ວຍຫົວຂໍ້ວ່າ “ຊາວຫວຽດນາມ ອາໄສຢູ່ຕ່າງປະເທດ, ວິສາຫະກິດ, ນັກທຸລະກິດຢູ່ພາຍໃນ ແລະ ຕ່າງປະເທດພົບປະ, ຮ່ວມສຳພັນພ້ອມກັນພັດທະນາ” ເຊິ່ງດຳເນີນໄປໃນຕອນຄໍ່າວັນທີ 28/01, ຢູ່ນະຄອນໂຮ່ຈິມິນ. ລາຍການພົບປະສັງສັນກັບຊາວຫວຽດນາມ ອາໄສຢູ່ຕ່າງປະເທດ ຖືກຈັດຂຶ້ນປະຈຳປີ, ເມື່ອໂອກາດບຸນເຕັດວຽນມາ, ຈະຊ່ວຍໃຫ້ຊາວຫວຽດນາມ ອາໄສຢູ່ຕ່າງປະເທດເຂົ້າໃຈກ່ຽວກັບສະພາບການຂອງປະເທດຊາດກວ່າ, ພ້ອມທັງແມ່ນຈຸດເລີ່ມຕົ້ນຂອງບັນດາການເຊື່ອມຕໍ່ລະຫວ່າງຊາດ, ຊຸກຍູ້ການຮ່ວມສຳພັນລະຫວ່າງວິສາຫະກິດຕ່າງໆຂອງຫວຽດນາມ ກັບປະຊາຄົມຊາວຫວຽດນາມ ອາໄສຢູ່ທົ່ວໂລກ ທີ່ພ້ອມກັນເຂົ້າຮ່ວມພັດທະນາເສດຖະກິດ, ສັງຄົມ, ປະກອບສ່ວນໃຫ້ແກ່ພາລະກິດສ້າງສາບ້ານເກີດເມືອງນອນ. ທ່ານນາງ ເຈືອງທິກິມແອງ, ຊາວຫວຽດນາມ ອາໄສຢູ່ຝລັ່ງໃຫ້ຮູ້ວ່າ.
“ບຸນເຕັດຫວຽດນາມ ຍາມໃດກໍມີຊີວິດຊີວາຂອງຊາວຫວຽດນາມ. ເຖິງວ່າຊາວຫວຽດນາມ ຫ່າງຈາກບ້ານເກີດເມືອງນອນກໍຕາມ ແຕ່ຍາມໃດກໍຄິດຮອດບຸນເຕັດ. ບັນຍາກາດບຸນເຕັດຢູ່ຫວຽດນາມ ຄຶກຄື້ນມ່ວນຊື່ນ, ໂດຍສະເພາະແມ່ນໄດ້ພົບປະກັບຍາດຕິພີນ້ອງໃນບັນຍາກາດຂອງຄອບຄົວ, ມີຂອງຂວັນ ຄຳອ່ວຍພອນປີໃໝ່ທີ່ປະເສີດ. ຂ້າພະເຈົ້າໄດ້ເລົ່າໃຫ້ຊາວຕ່າງປະເທດກ່ຽວກັບບຸນເຕັດ, ເຂົາເຈົ້າມັກຫຼາຍ. ສ່ວນຕົນເອງ, ເມື່ອໄດ້ກັບເມືອບ້ານເກີດເມືອງນອນຕ້ອນຮັບບຸນເຕັດ ແມ່ນສິ່ງທີ່ໂຊກດີ, ສະນັ້ນຖ້າມີໂອກາດຈະກັບເມືອໂລດ”.