(ພາບປະກອບ)
(vovworld) – ວັນທີ 17/11, ລາຍການພົບປະແລກປ່ຽນວັດທະນະທຳ ຫວຽດນາມ - ຍີ່ປຸ່ນ ຄັ້ງທີ 1 ປີ 2016, ໂດຍສະມາຄົມມິດຕະພາບ ຫວຽດນາມ - ຍີ່ປຸ່ນ ແຂວງ ຈ່າວີງ ເປັນເຈົ້າພາບຈັດຕັ້ງຢູ່ມະຫາວິທະຍາໄລ ຈ່າວີງ. ລາຍການມີການເຂົ້າຮ່ວມຂອງສະມາຄົມມິດຕະພາບ ຫວຽດນາມ - ຍີ່ປຸ່ນ ນະຄອນ ໂຮ່ຈີມິນ, ສະມາຄົມມິດຕະພາບ ຫວຽດນາມ - ຍີ່ປຸ່ນ ນະຄອນ ເກີນເທີ. ລາຍການລວມມີບັນດາການເຄື່ອນໄຫວຄື: ສະແດງດົນຕີປະເພດຕ່າງໆ, ສະແດງຊຸດອາພອນປະຈຳຊາດ, ວັດທະນະທຳສິລະປະຊົງຊາຍີ່ປຸ່ນ, ສິລະປະປັກດອກໄມ້, ພັນເຈ້ຍ ຍີ່ປຸ່ນ, ງານດອງຂອງຊົນເຜົ່າຂະແມ, ຕະຫລາດນັດບ້ານນາ ຫວຽດນາມ, ສິລະປະຟ້ອນລຳທຳເພງ ແລະ ອາຫານພື້ນເມືອງ ຫວຽດນາມ - ຍີ່ປຸ່ນ, ວາງສະແດງແນະນຳຜະລິດຕະພັນ ແລະ ເຄື່ອງສິລະປະຫັດຖະກຳ, ຮູບພາບວັດທະນະທຳ 2 ປະເທດ. ນີ້ແມ່ນລາຍການພົບປະແລກປ່ຽນວັດທະນະທຳທີ່ເປັນເອກະລັກສະເພາະ, ເຊື່ອມຕໍ່ນ້ຳໃຈມິດຕະພາບລະຫວ່າງ 2 ປະເທດ, ມຸ່ງໄປເຖິງການຮ່ວມມືຢ່າງຕັ້ງໜ້າໃນຫລາຍຂົງເຂດ ແລະ ເຊີດຊູສີສັນວັດທະນະທຳອັນດີງາມຂອງ 2 ປະເທດ ຫວຽດນາມ - ຍີ່ປຸ່ນ, ລາຍການກໍ່ສ້າງເງື່ອນໄຂໃຫ້ບັນດາວິສາຫະກິດຊອກຮູ້ກ່ຽວກັບເຂດດິນ ແລະ ຊາວ ຈ່າວີງ, ຄວາມສາມາດບົ່ມຊ້ອນ ແລະ ທ່າແຮງຂອງແຂວງ ເພື່ອລົງນາມ ລົງທຶນຜະລິດດຳເນີນທຸລະກິດ.