ພູພຽງຫີນດົ່ງວັນ ດຶງດູດ ນັກທ່ອງທ່ຽວພາຍໃນ ແລະ ຕ່າງປະເທດ ມາຢ້ຽມຢາມ
(ພູພຽງຫີນດົ່ງວັນ)
(vovworld) – ໃນໂອກາດວັນປົດປ່ອຍພາກໃຕ້ຢ່າງສົມບຸນ, ທ້ອນໂຮມປະເທດຊາດເປັນເອກະພາບ, ວັນທີ 30/4 ແລະ ວັນກຳມະກອນສາກົນ 1/5. ດ້ວຍເວລາພັກຜ່ອນທີ່ແກ່ຍາວໃນ 5 ວັນ, ດັ່ງນັ້ນ, ນັກທ່ອງທ່ຽວໄດ້ມາຢ້ຽມຢາມສວນສາທາລະນະທໍລະນີສາດທົ່ວໂລກ ພູພຽງຫີນດົ່ງວັນ ດ້ວຍຈຳນວນຫຼາຍທີ່ສຸດ. ສະເພາະໃນ 2 ວັນ ຄືວັນທີ 30/4 ແລະ 1/5 ບັນດາສະຖານທີ່ທ່ອງທ່ຽວທີ່ມີຊື່ສຽງຂອງເມືອງດົ່ງວັນ ໄດ້ດຶງດູດນັກທ່ອງທ່ຽວມາຢ້ຽມຢາມນັບພັນເທື່ອຄົນ, ໃນນັ້ນນັກທ່ອງທ່ຽວຕ່າງປະເທດກວມປະມານ 30%, ສ່ວນຍັງເຫຼືອແມ່ນນັກທ່ອງທ່ຽວມາຈາກພາກກາງ ແລະ ພາກໃຕ້. ບັນດາສະຖານທີ່ ທີ່ສ້າງຄວາມດຶງດູດນັກທ່ອງທ່ຽວກວ່າໝູ່ແມ່ນ ເສົາທຸງຊາດ ຫຼຸງກູ໋, ຄຸ້ມເມືອງເກົ່າດົ່ງວັນ, ພູໂດຍ (ພູເປັນຄູ່) ຢູ່ເມືອງກວານບ້າ, ກີ່ວມ້າປີ່ແລ່ງຢູ່ເມືອງແມ່ວຫວາກ… ພິເສດມາຢ້ຽມຢາມເຂດພູພຽງຫີນໃນຊຸມມື້ນີ້, ນັກທ່ອງທ່ຽວບໍ່ພຽງແຕ່ໄດ້ຢ້ຽມຊົມທັດສະນີຍະພາບທີ່ໃຫຍ່ໂຕໂອໂຖງ ແລະ ສວຍງາມຂອງເຂດພູພຽງຫີນເທົ່ານັ້ນ, ຫາກຍັງໄດ້ຮັບຊົມຜູ້ຊາຍຊາວເຜົ່າມົ້ງ ຟ້ອນແຄ່ນຢູ່ບັນດາຕະຫຼາດນັກ, ເຂົ້າຮ່ວມການລະຫຼິ້ນພື້ນເມືອງ ແລະ ງານບຸນທີ່ເປັນມູນເຊື້ອຂອງຊາວເຜົ່າມົ້ງ, ຊາວເຜົ່ໂລໂລ ອີກດ້ວຍ.