ພິມຈຳໜ່າຍປື້ມຄົ້ນຫາກ່ຽວກັບຫວຽດນາມຢູ່ລັດເຊຍ
(ພາບປະກອບ)
(vovworld) – ປື້ມຄົ້ນຫາ “ຫວຽດນາມ ໃນປະຈຸບັນ” ໂດຍສູນຄົ້ນຄວ້າຫວຽດນາມ ແລະ ອາຊຽນ ສັງກັດສະຖາບັນຕາເວັນອອກໄກ - ສະຖາບັນມະຫາບັນດິດວິທະຍາສາດລັດເຊຍ ພິມຈຳໜ່າຍ ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນເອກະລາດຫວຽດນາມ, ແມ່ນມີການເຂົ້າຮ່ວມຂອງບັນດານັກຊ່ຽວຊານຄົ້ນຄວ້າຫວຽດນາມ ແຖວໜ້າຂອງລັດເຊຍ, ລວມທັງບັນດານັກຊ່ຽວຊານໜຸ່ມ ກໍຄືລຸ້ນກ່ອນໆ ຈາກບັນດາສູນວິທະຍາສາດ ແລະ ອົງການວິທະຍາສາດຕົວຈິງອື່ນໆຢູ່ມົດສກູ, Saint Peterburg, Vladiovostok. ໂດຍຕ່າງກັບບັນດາປື້ມຄົ້ນຫາກ່ຽວກັບຫວຽດນາມ ທີ່ໄດ້ພິມຈຳໜ້າຍຢູ່ລັດເຊຍ ກ່ອນນັ້ນ, ປື້ມຫົວນີ້ ໄດ້ລວບລວມ ແລະ ເພີ່ມເຕີມບັນດາກິດຈະກຳຄົ້ນຄວ້າໃໝ່ສຸດ ສ່ອງແສງບັນດາຜົນງານ ກໍຄືບັນດາບັນຫາພວມດຳເນີນໄປຢູ່ຫວຽດນາມ ໃນປະຈຸບັນ. ກິດຈະກຳວິທະຍາສາດຕົວຈິງນີ້ ໄດ້ຊ່ວຍກຳນົດທິດໃຫ້ບັນດາອົງການຢູ່ສະຫະພັນລັດເຊຍ ໃນບັນຫາຮ່ວມມືກັບຫວຽດນາມ, ຮັບໃຊ້ບັນດາຮາກຖານສຶກສາບຳລຸງສ້າງວິທະຍາສາດ ໃນນັ້ນມີການຄົ້ນຄ້ວາເຂດອາຊີຕາເວັນອອກ, ກໍຄືຄຸນປະໂຫຍດໃຫ້ປະຊາຄົມວິສາຫະກິດ ແລະ ຜູ້ອ່ານຫຼາຍຄົນທີ່ພວມມີຄວາມສົນໃຈກ່ຽວກັບຫວຽດນາມ ໃນປະຈຸບັນ.