(ພາບ: baomoi.com)
(vovworld)-ຕອນເຊົ້າວັນທີ 30/9, ຢູ່ ແຂວງເທື່ອທຽນເຫ້ວ, ທ່ານຮອງນາຍົກລັດຖະມົນຕີ ຮ່ວາງຈຸງຫາຍ ພ້ອມດ້ວຍຄະນະປະຕິບັດງານຂອງລັດຖະບານໄດ້ໄປກວດກາສະພາບການຮັບມືກັບພະຍຸ Wutip ຢູ່ເທດສະບານເມືອງເຮືອງຈ່າ. ທ່ານຮອງນາຍົກລັດຖະມົນຕີ ຮ່ວາງຈຸງຫາຍ ຮຽກຮ້ອງໃຫ້ແຂວງເທື່ອທຽນເຫ້ວ ສືບຕໍ່ກວດກາບັນດາໜອງບັນຈຸນ້ຳ, ຝາຍນ້ຳລົ້ນເພື່ອມີມາດຕະການຮັກສາປອດໄພ:
“ທາງທ້ອງຖິ່ນໄດ້ຊີ້ນຳວ່າ ໜອງບັນຈຸນ້ຳຮ່ວາໝີ້ ແມ່ນໜອງບໍ່ໄດ້ສະສົມນ້ຳໃນຍາມພະຍຸປີນີ້. ບັນດາໜອງບັນຈຸນ້ຳ ແລະ ກິດຈະກຳໄຟຟ້າແຫ່ງອື່ນ ກໍ່ມີວິທີປ້ອງກັນພະຍຸແລ້ວ“.
ກ່ອນໜ້ານັ້ນ, ໃນການເຮັດວຽກກັບການນຳແຂວງເທື່ອທຽນເຫ້ວ ເມື່ອຕອນຄ່ຳວັນທີ 29/9 ກ່ຽວກັບວຽກງານປ້ອງກັນ, ຕ້ານ, ຮັບມືກັບພະຍຸ Wutip, ທ່ານຮອງນາຍົກລັດຖະມົນຕີ ຮ່ວາງຈຸງຫາຍ ຮຽກຮ້ອງໃຫ້ທ້ອງຖິ່ນຕ່າງໆທາງພາກກາງ ສົມທົບກັບບັນດາກະຊວງ ຂະແໜງການສູນກາງ ແລະ ກຳລັງປະກອບອາວຸດຂອງທະຫານເຂດ 4 ເພື່ອກວດກາເລື່ອງຮັບປະກັນໜອງບັນຈຸນ້ຳ; ຊ່ວຍ ປຊຊ ຮັບປະກັນຄວາມປອດໄພເມື່ອພະຍຸພັດເຂົ້າ. ທ່ານຮອງນາຍົກລັດຖະມົນຕີຮ່ວາງຈຸງຫາຍ ເນັ້ນໜັກວ່າ:
“ໃນເຂດທະເລແຕ່ກວາງບິງ, ກວາງຈິ, ເທື່ອທຽນເຫ້ວ ກຳປ່ັນ, ເຮືອແພທັງໝົດໄດ້ຖືກເຂົ້າທຽບທ່າແລ້ວ. ວຽກງານຕໍ່ໄປແມ່ນຊັບຊ້ອນກຳປັ່ນ ແລະ ສົ່ງຄົນເຂົ້າຝັ່ງ. ສະເໜີບໍ່ໃຫ້ເກີດຄວາມເສຍຫາຍຢູ່ເຂດຝັ່ງ. ບັນດາແຂວງຈຸດສຸມຄື ກວາງບິງ, ກວາງຈິ, ເທື່ອທຽນເຫ້ວ ຕ້ອງມີຄວາມລະມັດລະວັງທີ່ສຸດ“.